क्यान्सर दिवसमा साइकल -याली

हेल्थ टुडे,

काठमाडौं :  विश्व क्यान्सर दिवसको अवसरमा सेन्ट जेभियर्स कलेज माइतीघरले ऋचा बजिमय मेमोरियल फाउन्डेसनको सहकार्यमा क्यान्सर सम्बन्धी जनचेतना जगाउन ‘राइड अगेनेस्ट क्यान्सर’ भन्ने नाराका साथ साइकल -याली आयोजना गरेको छ । शनिबार आयोजित उक्त साईकल -याली माइतीघरदेखि शुरु भएर कुपण्डोल, जावलाखेल, लगनखेल सातदोबाटो, हात्तीवन, ग्वार्को, कोटेश्वर, बानेश्वर हुँदै २५ किलोमिटर यात्रा गरेर कलेज प्रांगणमा आएर सम्पन्न भएको थियो । क्यान्सर मुक्त समाज निर्माणका लागि फाउण्डेसनले सेट क्लबसँग सहकार्य गरी साइकल -याली आयोजना गरिएको फाउन्डेसनका अध्यक्ष डा. दीपक सुन्दर श्रेष्ठले बताए । उक्त कार्यक्रमबाट संकलन गरिएको रकम क्यान्सरको चेतना र परीक्षणमा प्रयोग गरिने जानकारी आयोजकले दिएको छ । साइकल -यालीका साडे पाँच सय जना सहभागी थिए । कार्यक्रममा फाउन्डेसनका सद्भावना दूत गायक दीपक बज्राचार्य र सगरमाथा आरोही कल्पना महर्जन पनि उपस्थिति थियो ।