हेल्थ टुडे,
काठमाडौ,१० चैतः मलेसियाले नेपाल सरकारलाई कामदारको स्वास्थ्य परीक्षणको मापदण्ड पठाएको छ । मलेसियाको यो कदमसंगै लामो समयदेखि रोकिएको मलेसियाको रोजगारी खुल्ने संकेत देखिएको छ ।
श्रम, रोजगार तथा सामाजिक सुरक्षा मन्त्रालयले दुई देशबीच भएको श्रम समझदारीको व्यवस्थाअनुसार मलेसियाले केही दिनअघि मात्र स्वास्थ्य परीक्षणको मापदण्ड बनाएर नेपाल पठाएको छ ।
मन्त्रालयले अब नवीकरण भएका तथा कालोसूचीमा नपरेका स्वास्थ्य परीक्षण गर्ने संस्थाको लागि मापदण्ड सार्वजनिक गर्नेछ । मापदण्ड पुगेका सूचीकृत स्वास्थ्य संस्थाको छनोट गरी सरकारले मलेसिया जाने कामदारको स्वास्थ्य परीक्षण गर्न अनुमति दिनेछ ।
यसअघि स्वास्थ्य परीक्षणमा लापरवाही भएको भन्दै मन्त्रालयले तोकिएको मापदण्ड पूरा गर्ने स्वास्थ्य संस्थालाई मात्र परीक्षण अनुमति दिने तयारी गरेको छ । कामदारको स्वास्थ्य परिक्षणमा ठगी गरेको भन्दै सरकारले केही स्वास्थ्य परिक्षण संस्थालाई कारवाही गरेको थियो ।
Leave a Reply