हेल्थ टुडे,
जुम्ला,१७ चैतः जुम्लाका स्वास्थ्यकर्मीले तलबभत्ता उपलब्ध गराई दिनको लागि पहल गरी दिन उपप्रधान तथा स्वास्थ्यमन्त्री उपेन्द्र यादवसंग आग्रह गरेका छन् । जिल्ला प्रशासन कार्यालय जुम्लामार्फत स्वास्थ्य तथा जनसङ्ख्या मन्त्रालयमा ज्ञापनपत्र बुझाउँदै जुम्लाका स्वास्थ्यकर्मीहरुले छ महीनाको तलबभत्ता उपलब्ध गराउन माग गरेका हुन् ।
नेपाल स्वास्थ्यकर्मी सङ्घ, नेपाल राष्ट्रिय स्वास्थ्यकर्मी सङ्गठन, नेपाल नर्सिङ सङ्घ, हान र लेफाले संयुक्तरुपमा प्रमुख जिल्ला अधिकारी दुर्गा बञ्जाडेमार्फत स्वास्थ्यमन्त्रीको ध्यानाकर्षण गराएका हुन् । ज्ञापनपत्रमा कात्तिक महीनादेखि हालसम्मको तलबभत्ता नपाएको र पटकपटक सम्बन्धित निकायमा पहल गर्दा पनि सुनुवाइ नभएकाले कर्मचारीको दैनिक जीवन जिउन कष्टकर भएको उल्लेख गरिएको छ ।
सरकारबाट तलबभत्ता शीर्षकमा विनियोजित बजेट जुम्लामा कार्यरत स्वास्थ्यकर्मीको वार्षिकरुपमा अपुग हुँदै आएकाले आर्थिक वर्ष २०७४÷०७५ र २०७५÷०७६ मा अपुग तलबभत्ता शीर्षकमा रकम थप गरी पठाउनका लागि आवश्यक पहल गरिदिनसमेत माग गरेका छन् ।
Leave a Reply