तोकिएको समयसिमाभित्र स्वास्थ्य चौकी निर्माण नगर्ने २० वटा कम्पनी कारबाहीमा

हेल्थ टुडे,
विरेन्द्रनगर,२२ चैतः तोकिएको समयसिमाभित्र स्वास्थ्य चौकी निर्माण सम्पन्न नगर्ने २० वटा निर्माण कम्पनी कारबाहीमा परेका छन् । सहरी विकास तथा भवन निर्माण विभाग संघीय आयोजना कार्यान्वयन इकाई सुर्खेतले निर्धारित समयभित्र स्वास्थ्य चौकी निर्माण नगर्ने निर्माण कम्पनीमाथि कारबाही थालेको हो । संघीय आयोजना कार्यान्वयन इकाई सुर्खेतले त्यस्ता निर्माण कम्पनीलाई जमानत जफत गरी कारबाही गर्न सूचना जारी गरेको छ ।
स्रोत परिचालनको भरपर्दो योजना र कार्य सम्पन्न गर्ने प्रतिबद्धतासहित कार्य सूचारु गर्नेतर्फ चासो नदेखाइएकोले सार्वजनिक खरिद ऐन २०६३ तथा सार्वजनिक खरिद नियमावली २०६४ र ठेक्का सम्झौतामा प्रावधान भएबमोजिम ठेक्का सम्झौता तोडी कालोसूचीमा राख्ने तथा कार्य सम्पादन तथा अग्रिम भुक्तानी जमानत धरौटी रकम जफत गर्नुका साथै बाँकी काम गर्न लाग्ने खर्च र निर्माण स्थल सुरक्षामा लाग्ने खर्च समेत बाँकी मानी असुल उपर गरिने आयोजना कार्यान्वयन इकाई सुर्खेतले जारी गरेको सूचनामा उल्लेख छ ।

सूचनामा दैलेख, जाजरकोट, सुर्खेत, मुगु, डोल्पा, कालिकोट हुम्ला आदि जिल्लाका हेल्थ पोस्ट निर्माण तथा जिल्ला अस्पताल निर्माणमा ढिलाइ भएको जनाइएको छ।