गर्मीमा धेरै चिसो पानी पिउनुका ४ बेफाइदा…

हेल्थ टुडे,
काठमाडौ,बैशाखः विशेषगरी गर्मी मौसममा तिर्खा मेटाउन चिसो पानी पिउन सबैलाई मन पर्छ । गर्मीमा प्रायः मानिस चिसो पानी पिउँछन् । तर धेरै चिसो पानी पिउनु शरीरका लागि हानिकारक हुनसक्छ ।

यी हुन् चिसो पानी पिउनका बेफाईदाः–

१.धेरै चिसो पानी पिउनाले रक्तनलीहरु खुम्चिन्छन् जसले शरीरको पाचन प्रक्रियामा असर पार्छ । यसले खानेकुरा राम्रोसंग पच्दैन र आवश्यक मात्रामा शरीरलाई पोषक तत्व प्राप्त हुन सक्दैन ।
२.धेरै चिसो पानी पिउनाले शरीरमा अनावश्यक रुपमा उर्जा खर्च हुन्छ जसले खानेकुरामा भएका पोषक तत्व शरीरले सबै प्राप्त गर्न सक्दैन ।
३.फ्रिजमा राखेको चिसो पानी तथा बरफहरुको सेवन गर्नाले मुटुको धड्कनमा असर पार्छ यसले स्नायुतन्तुलाई उत्तेजित गराइदिन्छ र मुटुको गति कम हुने गर्छ ।
४.धेरै चिसो पानी पिउनाले घाँटीमा असर गर्छ । यसले घाँटीका मांशपेशी तथा कोशिकाहरुमा असर पर्नुका साथै संक्रमणको खतरा हुन्छ ।
त्यसैले गर्मी मौसममा धेरै चिसो पानी पिउने बानी हटाऔँ ।