हेल्थ टुडे,
काठमाडौ,१८ बैशाखः स्वास्थ्यमा समस्या देखिएपछि राष्ट्रपति विद्यादेवी भण्डारी पूर्वकार्यतालिका भन्दा एकदिन अगाडी नै स्वदेश फिर्ता हुने भएकी छन् ।
चीनको राजधानी बेइजिङमा भएको बेल्ट एन्ड रोड (बिआरआई) फोरमअन्तर्गत गोलमेच सम्मेलनमा सहभागी हुन गत बुधबार चीन प्रस्थान गरेकी राष्ट्रपति विद्यादेवी भण्डारी आज स्वदेश फर्किने भएकी हुन् ।
स्वास्थ्यमा समस्या देखा परेपछि उनी सम्मेलनका कार्य तालिकाभन्दा एक दिनअघि स्वदेश फिर्ता हुन लागेको राष्ट्रपति कार्यालय स्रोतले जनाएको छ ।
राष्ट्रपति भण्डारी सिचुवान एयरलाइन्सको विमानबाट आज बिहान साढे १० बजे स्वदेश आइपुग्ने जनाइएको छ । बिआरआई फोरमअन्तर्गतको गोलमेच सम्मेलनमा सहभागी भई चीनको स्वशासित क्षेत्र तिब्बतको राजधानी ल्हासा पुगेकी राष्ट्रपति भण्डारी सिधै नेपाल आउने भएकी हुन् ।
Leave a Reply