प्रवक्ता श्रेष्ठलाई स्वास्थ्यका कर्मचारी समायोजनको जिम्मेवारी

हेल्थ टुडे,
काठमाडौ,२३ असारः स्वास्थ्य तथा जनसंख्या मन्त्रालयले समायोजन पत्रमा हस्ताक्षर गर्ने जिम्मा मन्त्रालयका प्रवक्ता महेन्द्र श्रेष्ठलाई दिएको छ । मन्त्रालयको प्रशासन तर्फका सहसचिव जनार्दन गुरागाईंले अवकास पाएपछि मन्त्रालयले श्रेष्ठलाई अधिकार दिएको जनाइएको छ ।

स्वास्थ्यका २७ हजारभन्दा बढी कर्मचारीमध्ये हालसम्म ११ औं तहका कर्मचारीले मात्र समायोजनको पत्र पाएका छन्। ११ औं तहका कर्मचारीले समायोजनसँगै पदस्थापनाको पत्र पनि पाएका छन्। समायोजनको पत्रमा हस्ताक्षरको जिम्मा पाएका प्रवक्ता श्रेष्ठले मन्त्रालयले सायमोजनको कामलाई छिट्टै टुंग्याउने गरी काम अगाडि बढाएको जानकारी दिए।

मन्त्रालयले ८, ९ र १० औं तहको समायोजनको काम पनि सकेको छ । तर, उनीहरुको पत्र बनाउने काम भइरहेको मन्त्रालयले जनाएको छ।