स्वास्थ्य मन्त्रालय भन्छ, उपत्यकामा समुदायस्तरमा कोरोना संक्रमण फैलिएको छैन

हेल्थ टुडे,

काठमाडौँ, २ साउन :   काठमाडौँ उपत्यकामा समुदायमास्तरमा कोरोना संक्रमण नफैलिएको स्वास्थ्य तथा जनसंख्या मन्त्रालयले  निष्कर्ष निकालेको छ ।

काठमाडौँ, भक्तपुर र ललितपुरमा भिडभाड हुने विभिन्न स्थानबाट संकलन गरिएको ४ हजार ८ सय जनाको नमुना परीक्षणमा ३ जनामा मात्र संक्रमण देखिएकोले समुदायमा अझै कोरोना संक्रमण फैलिइ नसकेको भन्न सकिने स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले बताए ।

उनका अनुसार ३ जनामध्ये दुई जना हालै विदेशबाट फर्किएका र एक जना व्यूटी पार्लर व्यवसायमा संलग्न व्यक्ति हुन ।         त्यसैगरि गतपछिल्लो २४ घण्टामा देशभरका २७ वटा प्रयोगशालामा ४ हजार ६८८ वटा पीसीआर बिधिबाट गरिएको नमुना परीक्षणका क्रममा थप १०१ जनामा कोरोना भाइरसको संक्रमण पोजेटिभ देखिएको मन्त्रालयको  नियमित प्रेस ब्रिफिङका क्रममा प्रवक्ता डा. गौतमले चौबिस घण्टामा १०१ जनामा संक्रमण देखिएको बताए । नेपालमा कुल संक्रमितको संख्या १७ हजार ४४५ पुगेको छ भने ११ हजार भन्दा बढी निको भइसकेका छन् ।