नेपालमा कोरोनाको कुनै नयाँ भेरियन्ट नभेटिएको डब्लुएचओको दाबी

हेल्थ टुडे,

काठमाडौं, २० जेठ  : विश्व स्वास्थ्य संगठन (डब्ल्यूएचओ) ले नेपालमा कोरोनाको कुनै पनि प्रजातिको नयाँ भेरियन्ट भेटिएको बताएको छ । बेलायतका केही सञ्चार माध्यमले नेपालका कोरोनाको नयाँ भेरियन्ट फेला परेको समाचार प्रकाशन गरेपछि डब्ल्यूएचओले सो दावी गरेको हो ।  डब्ल्यूएचओको नेपालस्थित कार्यालयले बिहीबार सामाजिक सञ्जालमार्फत भनेको छ, ‘नेपालमा सार्स–कोभ–२ को नयाँ भेरियन्ट फेला परेको भन्ने कुरामा विश्वस्वास्थ्य संगठन अवगत छैन ।’

हाल नेपालमा अल्फा (बी.१.१.७), डेल्टा (बी.१.६१७.२) र कप्पा (बी.१.६१७.१) भेरियन्ट देखिएको छ । तीन भेरियन्टमध्ये नेपालमा हाल सक्रिय रहेको भेरियन्ट डेल्टा (बी.१.६१७.२) हो ।  नेपाल सरकारले बेलायत सरकारसँग समाचारको आधिकारिताका बिषयमा जानकारी दिन कुटनितिक माध्यमबाट पहल गरेको छ ।  स्वास्थ्य तथा जनसंख्या मन्त्रालयका अधिकारी यस बिषयमा आफूहरुलाई जानकारी नभएको बताउछन ।