अपाङ्गता भएका व्यक्तिहरुमध्ये ३६ प्रतिसतमा शारीरिक अपाङ्गता

हेल्थ टुडे,
काठमाडौं, १७ मंसिर : नेपालमा अपाङ्गता भएका व्यक्तिहरुमध्ये ३६ प्रतिसतमा शारीरिक अपाङ्गता रहेको पाइएको छ । स्वास्थ्य तथा जनसंख्या मन्त्रालय, इपिडिमियोलोजी तथा रोग नियन्त्रण महासाखाले अपाङग्ता भएका व्यक्तिहरुको ३० औं अन्तराष्ट्रिय दिवसको अवसरमा शुक्रबार राजधानीमा आयोजना गरेको कार्यक्रममा नेपालमा अपाङ्ता भएका व्यक्तिहरुमध्ये ३६ प्रतिसतमा शारीरिक अपाङ्गता रहेको जनाएको हो । स्वास्थ्य मन्त्रालयका अनुसार नेपालमा कुल जनसंख्याको १.९४ प्रतिसत व्यक्तिमा अपाङ्गता रहेको छ ।

कुष्ठरोग नियन्त्रण तथा अपाङ्गता व्यवस्थापन साखाका अनुसार ८० प्रतिसत अपाङ्गता भएका व्यक्तिको पुनस्थापना सेवामा पहूच नभएको र ६५ प्रतिसतको स्वास्थ्य सूचनामा पहूच छैन । जसका कारण उनीहरुले सहज रुपमा स्वास्थ्य सेवा समेत प्राप्त गर्न सकिरहेका छैनन् । कुष्ठरोग नियन्त्रण तथा अपाङ्गता व्यवस्थापन साखाका निर्देशक डा. रविन्द्र बास्कोटाले स्वास्थ्य सेवा मार्फत संचालन हुने जनस्वास्थ्य सम्बन्धी सन्चालित कार्यक्रमहरुलाई अपाङ्गता समावेशी बनाउन पहल गर्ने बताए । उनले स्वास्थ्य सम्बन्धी अपाङ्गता व्यवस्थापन तथा पुनस्र्थापन कार्यक्रमकाृ लागि अन्तरमन्त्रालय, विभाग तथा महासाखाहरुसँगको समन्वय र सहकार्य गरिने जानकारी दिए ।