हेल्थ टुडे,
काठमाडौँ, २० फागुन : नेपालमै पहिलो पटक शहिद गंगालाल हृदय केन्द्रमा शल्यक्रिया विना नै मुटुको भल्भ प्रत्यारोपण गरिएको छ । केन्द्रका कार्यकारी निर्देशक डा. चन्द्रमणी अधिकारी नेतृत्वको टोलीले यही फागुन १६ गते नेपालमै पहिलो पटक यस प्रकारको भल्भ प्रत्यारोपण गरेको हो । शहिद गंगालाल राष्ट्रिय हृदय केन्द्रले शुक्रबार पत्रकार सम्मेलन मार्फत पहिलो पटक ८१ बर्षिय महिलामा पहिलो पटक शल्यक्रिया विना नै मुटुको भल्भ प्रत्यारोपण गरिएको जानकारी दिएका हुन । पत्रकार सम्मेलनमा निर्देशक डा अधिकारीले ‘ट्रान्सक्याथेटर इरोटिक भल्भ इम्प्लान्टेशन (टीएभीआई) विधिबाट ८१ वर्षीया महिलाको सफलतापूर्वक मुटुको भल्भ प्रत्यारोपण गरिएको बताए । भल्भ प्रत्यारोपण गरिएकी महिला आजै अस्पतालबाट डिस्चार्ज गरिसकिएको र उनको स्वास्थ्य अवस्था समान्य रहेको डा. अधिकारीले जानकारी दिए । यो प्रत्यारोपणमा भारतको चेन्नई स्थित एपोलो अस्पतालका विज्ञ चिकित्सकको प्राविधिक सहयोग रहेको केन्द्रले जनाएको छ । यस किसिममा शल्यक्रया गर्दा नेपालमा कम्तिमा पनि २० देखि २५ लाख रुपैया खर्च हुने र यो भारतको तुलनामा आधा कम भएको डा. अधिकारीको दावी छ ।
‘के हो टीएभीआई विधि ?
डा अधिकारीका अनुसार शल्यक्रियाविना नै मुटुको भल्भ फेर्ने टीएभीआई विधिमा तिघ्राको धमनी अर्थात फिमोरल आर्टरीबाट एक विशेष किसिमबाट निर्मित तार अर्थात क्याथरेटरद्वारा मानव निर्मित भल्भ मुटुभित्र छिराईन्छ र रोग भएको एओर्टिक भल्भको स्थानमा प्रत्यारोपण गरिन्छ । यसरी प्रत्यारोपण गरेको भल्भले तुरुन्तै काम गर्ने हुँदा बिरामीलाई छिटो आराम महसुस हुन्छ । बिरामीलाई बेहोस गरी छाती र मुटु चिरी शल्यक्रिया गर्नु नपर्ने भएकाले यो पद्धतिमा जटिलताको सम्भावना कम हुने र बिरामीलाई छिटो डिस्चार्ज गर्न सकिने हुन्छ,’ उनले भने, ।
शल्यक्रियाको तुलनामा यस पद्धतिको उपचार प्रभावकारी हुनुका साथै मृत्युदर पनि कम भएको विभिन्न अध्ययनले देखाएको डा. अधिकारीले बताए ।
