हेल्थ टुडे,
काठमाडौँ, २१ साउन : सहिद गंगालाल राष्ट्रिय हृदय रोग केन्द्रका नर्स, चिकित्सकलगायत कर्मचारीले दिएको राय सुझावविपरीत अवकाश उमेर हद ६३ पु¥याउने निर्णय गरिएको छ ।
अस्पतालको प्रशासन र आर्थिक महाशाखा, नर्सिङ विभाग, वरिष्ठ कन्सल्ट्यान्ट कार्डियोलोजिस्ट तथा विभागीय प्रमुखहरुले दुई साताअघि क्लिनिकल अभ्यासका लागि अवकाशको उमेर हद ६० वर्ष नै उपयुक्त हुने भनी दिएको राय सुझावविपरीत स्वास्थ्य तथा जनसंख्यामन्त्री भवानीप्रसाद खापुङको अध्यक्षतामा शनिबार बसेको बैठकले यस्तो निर्णय गरेको हो ।
प्रतिष्ठान भएको खण्डमा मात्र विशेषज्ञ, दक्ष प्राध्यापक जनशक्तिको हकमा उमेर हद ६३ वा ६५ गराउन सकिने नत्र अस्पताललाई आर्थिक भार परी उपचार महँगो पर्ने उनीहरुको निष्कर्ष थियो । तर, कार्डियोलोजिस्ट डा.रवि मल्लको स्वार्थ पूरा गर्न प्रधानमन्त्रीको ठाडो निर्देशनमा स्वास्थ्यमन्त्री खापुङले यस्तो निर्णय गरेको कर्मचारीहरुको आरोप छ । स्वास्थ्यमन्त्री खापुङले भने सबैको रायसुझावकै आधारमा सही निर्णय गरेको दाबी गरे ।
