हेल्थ टुडे,
काठमाडौं, १ माघ : यती एयरलाइन्सको पोखरामा भएको विमान दुर्घटना राष्ट्रिय ट्रमा सेन्टरका डा. सुशील श्रेष्ठ र उनकी पत्नी डा. सोना दिवारकको मृत्यु भएको हो । श्रेष्ठ अर्थोपेडिक तथा स्पाइन सर्जन हुन् । उनकी पत्नी डा. सोना भने विशेषज्ञ चिकित्सकका लागि तयारी गरिरहेकी थिइन ।
माघ १ गते भएको दुर्घटनामा उनीहरुका १० महिनाको छोराको पनि मृत्यु भएको छ ।
उनीहरु आफ्नो बच्चाका साथ पोखरा घरमा छुट्टी मनाउन गएका थिए । ट्रमा सेन्टरका निर्देशक डा. रुद्र मरासिनीले कन्सल्टेन्ट सर्जन गुमाउँदा राज्यलाई समेत ठूलो घाटा भएको बताए । ’
चिकित्सा विज्ञान राष्ट्रिय प्रतिष्ठान (न्याम्स) बाट अर्थोपेडिक सर्जरीमा एमडी गरेका डा. श्रेष्ठले गण्डकी मेडिकल कलेज र म्याग्दीको दरबाङ स्वास्थ्य चौकीमा मेडिकल अधिकृतका रुपमा समेत काम गरेका थिए । उनले काठमाडौं मेडिकल कलेजबाट एमबीबीएस गरेका हुन् ।
डा. सुशीलकी पत्नी डा. दिवारक भने बच्चा जन्मिएपछि काम छाडेर बसेकी थिइन् । उनले चितवन मेडिकल कलेजबाट एमबीबीएस पास गरेकी थिइन् । उनी विशेषज्ञ चिकित्सकका लागि तयारी गरिरहेकी थिइन । उक्त विमानमा सवार ७२ जना मध्ये ६८ को मृत्यु पुष्टि भइसकेको छ भने ४ जना हराइरहेका छन् ।
