इन्टर्न चिकित्सकको आन्दोलन कायमै, माग पूरा नभएसम्म आन्दोलन नरोकिने

हेल्थ टुडे,
काठमाडौं, साउन १६ : एमबीबीएस तथा बीडीएस इन्टर्न चिकित्सकहरूले इन्टर्न भत्ता, श्रम अधिकार र कार्य अवस्थासम्बन्धी माग पूरा गर्न दबाब दिँदै सुरु गरेको आन्दोलन अझै जारी रहेको छ । आन्दोलनरत इन्टर्न चिकित्सकहरूले सरकारले यसअघि गठन गरेको कार्यदलको प्रतिवेदन तत्काल कार्यान्वयन गर्न माग गर्दै माइतीघर मण्डलासहित विभिन्न स्थानमा प्रदर्शन गरिरहेका छन्।

आन्दोलनरत चिकित्सकहरूको मुख्य माग सबै मेडिकल कलेजमा इन्टर्न चिकित्सकलाई समान र न्यूनतम निर्वाह भत्ता उपलब्ध गराउनु, श्रम ऐनअनुसार सेवा–सुविधा सुनिश्चित गर्नु तथा अत्यधिक कार्यघण्टाको अन्त्य गर्नु रहेको छ । उनीहरूले मेडिकल शिक्षा आयोगले यसअघि तयार भएको प्रतिवेदनलाई कार्यान्वयन गर्न ढिलाइ गर्दा देशभरका इन्टर्न चिकित्सक अन्यायमा परेको बताएका छन् ।

इन्टर्न चिकित्सकहरूले सरकारले गठन गरेको कार्यदलले एमबीबीएस तथा बीडीएस इन्टर्नका लागि न्यूनतम मासिक २४ हजार रुपैयाँ निर्वाह भत्ता सिफारिस गरे पनि त्यसको कार्यान्वयन हुन नसकेको बताएका छन् । उनीहरूका अनुसार कतिपय शिक्षण अस्पतालमा अझै पनि इन्टर्नहरूले न्यून वा कुनै भत्ता नै नपाई पूर्णकालीन सेवा दिन बाध्य भइरहेका छन् ।

आन्दोलनमा सहभागी चिकित्सकहरूले आफूहरू विद्यार्थी मात्र नभई प्रत्यक्ष बिरामीको उपचारमा संलग्न स्वास्थ्यकर्मी भएकाले सम्मानजनक कार्य वातावरण, उचित भत्ता र श्रम अधिकार सुनिश्चित हुनुपर्ने बताएका छन् । उनीहरूले माग सम्बोधन नभएसम्म आन्दोलनलाई थप सशक्त बनाउने चेतावनी दिएका छन् ।

यसैबीच, चिकित्सकहरूको आन्दोलनका क्रममा नेपाल चिकित्सक संघले पनि विभिन्न चरणमा ऐक्यबद्धता जनाएको थियो । केही दिनअघि सरकार र नेपाल चिकित्सक संघबीच पाँचबुँदे सहमति भएपछि चिकित्सक संघले आफ्ना आन्दोलनका कार्यक्रम स्थगित गरेको भए पनि इन्टर्न चिकित्सकका माग भने अझै पूर्ण रूपमा सम्बोधन भइनसकेको जनाइएको छ ।

चिकित्सा शिक्षा आयोग र सम्बन्धित सरकारी निकायले इन्टर्न चिकित्सकका मागबारे छलफल जारी रहेको जनाएको भए पनि आन्दोलनरत पक्षले स्पष्ट निर्णय र कार्यान्वयन नभएसम्म आन्दोलन जारी रहने अडान दोहो¥याएको छ । निजी मेडिकल कलेजहरुले भने इन्टर्नको माग पुरा गर्न नसकिने