अस्पतालमै डाक्टरलाई हत्कडी लगाउनु गलत

हेल्थ टुडे
प्रहरीले छानविन गर्ने बहानामा विभिन्न अस्पताल, क्लिनिक र नर्सिङ होमबाट काम गरिरहेकै अवस्थामा चिकित्सकहरुलाई पक्राउ गरेर कार्यस्थलमै हत्कडी लगाएकोमा नेपाल चिकित्सक संघले त्यसको विरोध गरेको छ । विरगञ्ज,विराटनगर, चितवन लगायतका अस्पतालबाट हिजोमात्र नेपाल प्रहरीको अनुसन्धान व्यूरोले १५ जना चिकित्सकलाई नक्कली भएको आशंकामा पक्राउ गरेको थियो । संघले छानविन गर्नु प्रहरीको अधिकार भए पनि पक्राउ गर्ने तरिका ठिक नभएको ठहर गरेको छ । संघले शनिबार आकस्मिक बैठक बोलाएर प्रहरीको धरपडकको शैलीमा पक्राउ गरेर हतकडी लगाउने कामको विरोध गरेको छ । संघका महासचिव डा. मुक्ती श्रेष्ठले भने, ‘छानविनका विभिन्न कानूनी प्रकृया हुँदाहँ’दै अस्पतालमै डाक्टरलाई हत्कडी लगाएर गिरफ्तार गर्नुले चिकित्सा पेसाकै मान मर्दन भएको छ । ’
संघले कारवाहीका नाममा अमानविय व्यवहार प्रदर्शन नगर्न सरकारसँग माग गरेको छ । कानून बमोजिम सत्य तथ्य पत्ता लगाउने काममा भने सरकारलाई पूर्ण सहयोग रहने संघले विज्ञप्ति मार्फत जानकारी गराएको छ ।