हेल्थ टुडे,
काठमाडौ,९ कात्तिकः विभिन्न कार्यक्रम गरी आज धन्वन्तरी जयन्ती तथा राष्ट्रिय आरोग्य दिवसमा मनाईदै छ । ‘पूर्वीय दर्शन र आयुर्वेद चिकित्सा ‘स्वास्थ्य,समृद्ध नेपालको आवश्यकता’ भन्ने मुल नाराका साथ राष्ट्रिय आरोग्य दिवस तथा धन्वन्तरी जयन्ती मनाईँदै छ ।
सरोकारवालाहरुले नसर्ने रोग रोकथाम र नियन्त्रण गर्न आयुर्वेद चिकित्सा प्रद्धतिलाई एकिकृत रुपमा सञ्चालन गर्नुपर्ने धारणा राखेका छन् । उनीहरुले बच्चा देखि नै आयुर्वेद, योग र स्वास्थ्य जीवनशैलीको बानी बसाल्ने हो भने भविष्यमा विभिन्न नसर्ने रोगको सिकार हुन नपर्ने जिकिर गरेका छन् ।
आयुर्वेद चिकित्सा प्रद्धतिको दिनप्रतिदिन आवश्यकता बढ्दै गएकाले आयुर्वेद तथा वैकल्पिक चिकित्सा विभागले आयुर्वेद चिकित्सा पद्धति सातै प्रदेशमा स्थापना गर्ने जनाएको छ ।
सरकारले २०५६ सालदेखि धन्वन्तरी जयन्तीको दिनलाई आरोग्य दिवसको रुपमा मनाउन थालेको हो। आयुर्वेदका प्रवर्तक धन्वन्तरीको उत्पत्ति भएको दिनको सम्झनामा धन्वन्तरी दिवस मनाइँदै आइएको छ ।
धन्वन्तरिलाई आयुर्वेद चिकित्सा क्षेत्रका व्यक्तिहरूले नरदेवी क्याम्पस, सिंहदरबार वैद्यखाना तथा सामाखुसीस्थित धन्वन्तरि अस्पतालमा विभिन्न कार्यक्रमको आयोजनाका साथ पूजाआजा गरी स्मरण गर्ने गरेका छन् ।
tảitools
