कोरोनाबाट दोस्रो व्यक्तिको मृत्यु, नेपालगन्जको क्वारेन्टाइनमा रहेका नरैनापुरका युवामा कोरोना पुष्टि

हेल्थ टुडे,
काठमाडौँ, ४ जेठ : नेपालमा कोरोना भाइरसका कारण पहिलो मृत्यु सिन्धुपाल्चोककी २९ बर्षिय महिलाको ज्यान गरेको तेश्रो दिन कोरोना भाइरसकै कारण नेपालगन्जको कोरेन्टाइनमा रहेका एक युवाको मृत्यु भएको छ । आइतबार बिहान बाँकेको नरैनापुर क्वारेन्टाइनमा रहेका २५ वर्षिय युवाको कोरोनाकै कारण मृत्यु भएको थियो । उनको स्वाब परीक्षणमा कोरोना पुष्टि भएको स्वास्थ्य मन्त्रालयका प्रवक्ता डा. विकास देवकोटाले बताए । नेपालमा कोरोनाका कारणले भएको यो दोश्रो मृत्यु हो ।
मन्त्रालयका अनुसार ती २५ वर्षीय पुरुष वैशाख ३० गते भारतबाट आएका थिए ।ती युवाको गएराति ज्वरो तथा झाडापखाला लागेपछि स्वास्थ्यमा समस्या आएको थियो ।नरैनापुरको मटैया ५ स्थित दिपेन्द्र प्राविको क्वारेन्टाइनमा बस्दै आएका उनको उनको बिहान ६ बजेर ४० मिनेटमा निधन भएको मन्त्रालयले जनाएको छ ।
ती युवाको शनिबार मात्रै स्वाब संकलन गरी पीसीआर परीक्षण गर्न लगिएको थियो । क्यारेन्टाइनमा रहेका युवाको मृत्यु भएको घटनाप्रति विज्ञहरुले सरकारको लापरवाही भनेका छन । क्यारेन्टाइनमा राखेका व्यक्तिको समयमा परीक्षण नगरेर अन्तिम अवस्थामा मात्र परीक्षण हुनु र मृत्यु भएपछि मात्र रिपोर्ट आउनेले सरकारको गम्भिर कमजोरी देखिएको विज्ञहरुले औल्याएका छन ।