उपत्यकाका १६६ जना समेत गरि ८१८ जनामा कोभिड १९ संक्रमण पुष्टि,निधन हुनेको संख्या १४९ पुग्यो

हेल्थ टुडे,

काठमाडौं, ७ भदौ  : गत २४ घण्टामा ८१८ जनामा कोभिड १९ संक्रमणका पुष्टि भएको छ । योसँगै कोरोना पुष्टि हुनेको संख्या ३१ हजार ९३५ पुगेको छ जसमध्ये सक्रिय संक्रमित १३ हजार १५५ जना छन् ।

आज काठमाडौं उपत्यकामा १६६ जना कोरोना संक्रमित थपिएका छन् । तीमध्ये काठमाडौंका १२६ जना, ललितपुरका १२ जना र भक्तपुरका २८ जना रहेका छन् ।

यसैगरी पछिल्लो २४ घण्टामा कोरोना निको भई २८१ जना डिस्चार्ज भएका छन् । हालसम्म देशभरमा कोरोना मुक्त हुनेको संख्या १८ हजार ६३१ छ । हाल संस्थागत आइसोलेसनमा ९ हजार २१२ जना छन् भने होम आइसोलेसनमा तीन हजार ९४३ जना रहेका छन् । यस्तै क्वारेन्टिनमा ११ हजार ४१४ जना छन् । पछिल्लो एक दिनमा नेपाल भर आठ हजार २६ जनाको पीसीआर परीक्षण भएको छ भने अहिलेसम्म देशभर ६ लाख ४४४ पीसीआर परीक्षण भएको छ । थप तीन जनाको कोरोना संक्रमणका कारण निधन भएको छ । योसँगै नेपालमा कुल १४९ जना कोरोना संक्रमितको मृत्यु भएको छ । निधन हुने संक्रमितहरु झापाका ५८ वर्षिय पुरुष, पर्साका ५६ वर्षिय महिला र सर्लाहीका ३३ वर्षकी महिला रहेकी छिन् ।