हेल्थ टुडे,
काठमाडौं, २८ भदौ : काठमाडौं उपत्यका कोरोना संक्रमणको भूमरीमा छ । हरेक दिन संक्रमितको संख्या बढ्दो छ । महानगरवासीका लागि काठमाडौं महानगरपालिकाले एउँटा पनि व्यवस्थित क्यारेन्टाइन्टाइन बनाएको छैन । तर यही महानगरपालिकाका मेयर विद्यासुन्दर शाक्य भने आफू संक्रमित भएपछि देशकै सबैभन्दा महंगो र सुविधा सम्पन्न पाचँतारे होटेल सोल्टी क्राउन प्लाजामा दैनिक ७५ हजार खर्चेर आइसोलेसनमा बसेका छन । मेयर शाक्य पत्नी र छोरासहित पाँचतारे होटल सोल्टी क्राउन प्लाजाको आइसोलेसन सेन्टरमा बसेका हुन । भदौ १५ गते कोरोना संक्रमण पुष्टि भएपछि घरमै आइसोलेसनमा बस्ने बताएका मेयर शाक्य केही दिन घरमा बसेर परिवारसहित तारे होटलमा सरेका छन ।
सोल्टी होटल स्रोतका अनुसार मेयर शाक्यको परिवारले लिएको तीनवटा कोठा र चिकित्सकीय सुविधासहित औसतमा दिनको ७५ हजार हाराहारीमा खर्च हुन्छ । झन्डै २० हजार रुपैयाँ शुल्क लाग्ने कोठामा चिकित्सकीय सुविधासहित बसेका शाक्यले प्रतिदिन २५ हजारभन्दा बढी शुल्क तिर्नुपर्छ । नागरिक स्तरबाट आलोचना हुने भन्दै महानगरपालिकाले मेयर शाक्यको होटल बसेको बिषयमा बताउन चाहेको छैन ।
पछिल्ला १२ दिनयताको होटल खर्च मात्रै ९ लाख हाराहारी पुगिसकेको स्रोतले बताएको छ । त्यतिका धेरै खर्च महानगरपालिकाले बेहोर्छ कि मेयर शाक्य आफैंले तिर्छन् भन्ने प्रश्न अहिले जनताले खोजी रहेका छन । महानगरपालिकाका सूचना अधिकारी नमराज ढकालले मेयर शाक्य होटलको आइसोलेसनमा बसेको आफूलाई थाहा नभएको तर बाहिर हल्ला सुनेको बताए ।
कोरोना संक्रमण रोकथाम र उपचारमा सिन्को समेत नभाचेका मेयर शाक्यको अहिले समाजिक सञ्जालमा ब्यापक आचोलना भइरहेको छ । गतल मान्छेलाई निर्वाचित गराइएको भन्दा महानगरवासीले आक्रोस व्यक्त गरिरहेका छन । यस बिषयमा मेयर शाक्यसँग बुझ्न खोज्दा उहाँका दुई वटै मोवाइल स्विच अफ छन ।
