हेल्थ टुडे,
काठमाडौं, २५ बैसाख: निर्माण कार्य सम्पन्न भएर सञ्चालनको प्रतिक्षामा रहेको वीर अस्पतालको नयाँ भवनलाई कोरोना ‘डेडिकेटेड युनिफाइड कमाण्ड’ अस्पताल बनाउने निर्णय गरेको छ ।
शनिबार बसेको मन्त्रिपरिषद्को आकस्मिक बैठकले वीरको यो नयाँ भवनलाई सुरूमा ५ सय शैयाको युनिफाईड कोभिड अस्पताल बनाउने निर्णय गरेको हो । स्वास्थ्य तथा जनसंख्या मन्त्री हृदयेश त्रिपाठीका अनुसार सुरुमा भवनमा तत्कालै तीन सय बेड अक्सिजनसहितको आइसियू, एक सय बेड आइसियू र ५० बेड भेन्टिलेटर बनाइने छ ।
त्यसपछि आवश्यकता अनुसार थप शैया बिस्तार गरिने छ । एक हप्ताभित्र अस्पताल सञ्चालनमा आउने गरि काम गरिने मन्त्री त्रिपाठीले जानकारी दिए ।
