हेल्थ टुडे,
काठमाडौं, ४ साउन : भारतका प्रधानमन्त्री नरेन्द्र मोदीले नेपाललाई कोरोना भाइरसविरुद्धको खोप कोभिसिल्ड चाडै उपलब्ध गराउने आश्वासन दिएका छन् ।
सोमबार प्रधानमन्त्री शेरबहादुर देउवासँग टेलिफोनमा कुराकानी गर्दै भारतीय प्रधानमन्त्री मोदीले नेपाललाई चाडै कोभिसिल्ड आपूर्ति गर्ने आश्वासन दिएको परराष्ट्र मन्त्रालयले जनाएको छ । स्रोतका अनुसार भारतले अनुदान स्वरुप र खरिद सम्झौता भइसकेपछि नेपालले पाउन नसकेका १० लाख डोज कोभिसिल्ड दुबै खोप उपलब्ध गराउने आश्वासन भारतीय प्रधानमन्त्री मोदीले दिएका दिएका छन् ।
टेलिफोन कुराकानीमा मोदीले प्रधानमन्त्री देउवालाई बधाई दिएका थिए । दुई नेताबीच कोरोना महामारीविरुद्ध संयुक्त रुपमा लड्ने विषयमा कुराकानी भएको भारतीय विदेश मन्त्रालयले ट्विटरमार्फत जनाएको छ । मोदीले आईतबार विश्वासको मत पाएपछि पनि देउवालाई समाजिक सञ्जाल मार्फत बधाई दिएका थिए ।
Leave a Reply