हेल्थ टुडे,
जनकपुर, १५ असोज : आड्रा नेपालको साझेदारीमा वागमती सेवा समाज नेपाल, हरिवन सर्लाहीले विश्वव्यापी महामारीको रुपमा फैलिएको कोभिड–१९ को न्युनिकरणका लागि प्रदेश नं २ को मनीपाल कोभिड अस्पताल, प्रादेशिक अस्पताल, विभिन्न जिल्ला अस्पताल र प्राथमिक स्वास्थ्य केन्द्रलाई कोभिड–१९ सम्बन्धी आवश्यक उपकरण र सामाग्रीहरु हस्तान्तरण गरेको छ ।
वागमती सेवा समाज नेपालले शुक्रबार जनकपुरधामको होटल राजदरबार एण्ड नभरङ्ग रिसोर्ट, मुजेलियामा प्रदेश नम्बर २ का समाजिक विकास मन्त्री नवलकुमार साहको उपस्थितिमा आड्रा नेपालका स्वास्थ्य प्रमुख डा. घनश्याम भट्ट र वागमती सेवा समाज नेपालका स्वास्थ्य संयोजक सुनिल कुमार साहले प्रदेश नम्बर २ का अस्पताल, स्वास्थ्य चौकी र प्राथमिक स्वास्थ्य केन्द्रहरुमा कोभिड सम्बन्धी उपकरण र सामग्री हस्तान्तरण गरेका हुन । समारोहमा स्वास्थ्य संयोजक साहले हस्तान्तरण गरिएका सम्पुर्ण सामग्रीहरुको विवरण प्रस्तुतिकरण मार्फत जानकारी गराएका थिए । कार्यक्रममा सामाजिक बिकास मन्त्री नवलकुमार साहले बागमती सेवा समाज तथा आड्रा नेपालले विपद्को घडीमा गरेको सहयोगको उच्च मुल्यांकन गर्दै निरन्तर सहकार्य गर्दै जाने प्रतिबद्दता ब्यक्त गरेका थिए । कार्यक्रममा संस्थाका अध्यक्ष भरतकुमार कार्कीले कोभिड–१९ बिरुद्धको लडाईमा हामी सबै एक भएर लाग्नु आजको आवश्यकता रहेको बताए । श्रोत साधनहरुको उपलब्धता अनुसार वागमती सेवा समाजले प्रदेश नम्बर २ का प्राय सबै जिल्लाका जिल्ला अस्पतालहरुमा बिभिन्न किसिमका स्वास्थ्य सामग्रीहरु उपलब्ध गराइरहेको र अन्य उपकरण एवं आवश्यक सामाग्रीहरु गजेन्द्र नारायण सिंह अस्पताल र महोत्तरी अस्पताललाई हस्तान्तरण गरिने योजना रहेको कार्कीले जानकारी दिए ।
कार्यक्रममा सामाजिक बिकास मन्त्रालय, स्वास्थ्य साखा प्रमुख, कोभिड फोकल पर्सन, प्रादेशिक स्वास्थ्य निर्देशनालयका कार्यालय प्रमुख, मधेश स्वास्थ्य विज्ञान प्रतिष्ठानका स्टोर फोकल पर्सन, प्रदेश स्वास्थ्य आपूर्ति व्यवस्थापन केन्द्र, मनीपाल कोभिड अस्पतालका प्रमुख, प्रमुख जनस्वास्थ्य अधिकृत, जनस्वास्थ्य कार्यालयका कोभिड फोकल पर्सन लगायत अन्य गैरसरकारी संस्थाका प्रतिनिधिहरु र वागमती सेवा समाज नेपालका अधिकारी उपस्थित रहेको समाजका कार्यकारी निर्देशक निरज भण्डारीले बताए । जनकपुर प्रादेशिक अस्पताललाई आड्रा नेपालका स्वास्थ्य प्रमुख डा.घनश्याम भट्ट मार्फत हस्तान्तरण गरिएका स्वास्थ्य सामग्रीहरुमा पिपिई ५० सेट, अक्सिजन कन्सनट्रेटर ४ थान, अक्सिजन सिलिण्डर सहितको प्यासेन्ट ट्रली ३ थान, केएन ९५ मास्क १०० थान, सर्जिकल ग्लोब्स १००० जोर, ५ प्यारामिटर सहितको वेड साइज भाइटल मोनिटर ३ थान, अटोमेटिक हेण्ड सेनिटाइजर २ थान, फेस सिल्ड ५०० थान, सु कभर १२० जोर, भेञ्चर मास्क २३० थान, एम्बु ब्याग २ थान, आइ भि क्यानुला ५० थान, आई भि स्ट्याण्ड १५ थान, नेबुलाइजर ३ थान, इन्फ्युजन पम्प २ थान र हेण्ड सानिटाइजर ३० बोटल रहेका छन् ।
