हेल्थ टुडे,
काठमाडौं, २ कार्तिक : चीनले नेपाललाई थप २० लाख डोज कोभिड–१९ विरुद्धको खोप अनुदानमा दिने भएको छ । चिनिया बिदेशमन्त्री वाङ यी र नेपालका परराष्ट्रमन्त्री नारायण खड्कासँग मंगलबार भएको टेलिफोन कुराकानीका चीनले थप खोप सहयोग गर्ने बताएको हो ।
परराष्ट्र मन्त्रालयका अनुसार दुईमन्त्रीबीच दुईपक्षीय सम्बन्ध, कोभिड–१९ विरुद्धको खोपमा सहकार्य, व्यापार र विकासमा समन्वय र सीमा व्यवस्थापनका विषयमा छलफल भएको थियो । कुराकानीका क्रममा तातोपानी र रसुवागढी नाकाबाट थप कन्टेनर ल्याउन दिने विषयमा पनि छलफल भएको बताइएको छ । चीनले यो भन्दा पहिले पनि पटक पटक अनुदानमा नेपाललाई खोप उपलब्ध गराउदै आइरहेको छ ।
