ब्लुक्रसले सिकायो दात माझ्ने र हात धुने सिप

हेल्थ टुडे,

काठमाडौ : त्रिपुरेश्वरस्थित ब्लुक्रस हस्पिटलले युथ फर फ्युचरको सहकार्यमा गोठाटारका बालबालिकालाई मुख स्वास्थ्य र सहि तरिकाले हात धुने तरिकाका बिषयमा प्रशिक्षण दिएको छ । ३ वर्षदेखि ५ वर्ष उमेर समूहका बालबालिकालाई मुख स्वास्थ्यको महत्वको बिषयका साथै सही तरिकाले हात धुने र दात माझ्ने बिभिन्न १२ चरणका बिषयमा सैद्घान्तिक र व्यवहारिक ज्ञान दिइएको थियो । डा. नशिव पाण्डेको अगुवाईमा उक्त प्रशिक्षणमा १८० वालबालिका सहभागी थिए । प्रशिक्षणमा डा. ओमकारमान प्रधान, डा. नशिब पाण्डेका साथै स्वास्थ्यकर्मिहरु मिनु भट्टराई, सविना सुवाल, सन्दिप रन्जितकार र निलिमा मुल्मीको टोलीले प्रशिक्षण र व्यबहारिक ज्ञान दिएका थिए । कार्यक्रममा मुख्य वक्ताका रुपमा डा. प्रधानले मुख स्वास्थ्य, हात धुने सही तरिका र वातावरणिय स्वास्थ्यका बिषयमा प्रशिक्षण दिएका थिए । अतिथि वक्ताकोरुपमा युथ फर फ्युचरका दीपेन्द्र चौलागाई थिए ।