हेल्थ टुडे,
धरान,२६ जेठः विगत ४ सातादेखि धरान उपमहानगरपालिकामा देखिएको डेंगुको महामारी अझै नियन्त्रणमा आउन सकेको छैन । अहिलेसम्म २ सय ८१ जनामा रोगको लक्षण देखिएको छ । धरानस्थित वीपी कोइराला स्वास्थ्य विज्ञान प्रतिष्ठानले दिएको जानकारी अनुसार रगत परीक्षण गर्न पुगेका ८ सय ५२ जनामध्ये २ सय ८१ जनामा डेंगु भाइसर देखिएको छ । प्रतिष्ठानले डेंगुका बिमारीलाई निःशुल्क उपचार व्यवस्था मिलाएको अस्पतालका निर्देशक डा. गौरीशंकर साहले जानकारी दिए ।
डेंगुको महामारी नियन्त्रण गर्न दुई साताअघि गठित चिकित्सकसहितको ‘र्यापिड रेस्पोन्सट’ टोलीले वीपी प्रतिष्ठानमा एमबिबिएस पास भएर ‘इन्टर्न’ गरिरहेका र चिकित्साशास्त्रका विद्यार्थीलाई परिचालन गरेको छ । डेंगु महामारी नियन्त्रणका लागि सबै निकायहरू परिचालिन भएको भन्दै धरानबासीलाई सचेत हुन प्रदेश १ का सामाजिक विकास मन्त्री जीवन घिमिरेले आग्रह गरे ।
प्रदेश सरकारले डेंगुका बिमारीहरुलाई छुट्टै उपचारको व्यवस्थापन गर्न प्रतिष्ठान प्रशासनलाई निर्देशन दिएका छ । उपमहानगरपालिकाले ८ र १५ वडालाई स्वास्थ्य संकट ग्रस्त क्षेत्र घोषणा गरेको छ । डेंगुका अण्डा, लार्भा र प्यूपा नस्ट गर्ने काम जारी छ ।
Leave a Reply