कैलाली र रौतहटमा थपिए फेरि दुई जना संक्रमित, अहिलेसम्म कोरोना संक्रमित १४

हेल्थ टुडे,
काठमाडौं, १ बैसाख : सुदूरपश्चिमको कैलाली र प्रदेश नम्बर २ को रौतहटमा गरि सोमवार थप २ जनामा कोरोना संक्रमण फेला परेको छ । यो संगै नेपालमा कोरोना संक्रमितको संख्या १४ पुगेको छ । स्वास्थ्य तथा जनसंख्या मन्त्रालयका प्रवक्ता डा. विकाश देवकोटाले राष्ट्रिय जनस्वास्थ्य प्रयोगशाला टेकूमा पिसिआरु परिक्षण मार्फत नमूना परिक्षण गर्दा कैलालीको लम्की चुहा नगरपालिकाको क्वारेन्टाइनमा बसेकी ६५ बािर्षय महिला र रौतहटको क्यारेन्टाइनमा बसेका १९ बर्षिय युवकमा कोरोना पोजेटिभ देखिएको बताएका छन । नियमित प्रे िब्रिफिङमा मन्त्रालयका प्रवक्ता देवकोटाले यससँगै नेपालमा कोरोनाका संक्रमितको संख्या १४ पुगेको जानकारी दिए ।
अहिलेसम्म राष्ट्रिय जनस्वास्थ्य प्रयोगशाला टेकूमा ४ हजार ४ सय ३२ र विभिन्न प्रदेशहरुका ल्यावमा १२६९ गरि पिसिआर प्रविधिका माध्यमबाट ५ हजार ६ सय ९१ वटा नमूना परिक्षण गरिएको देवकोटाले बताए । त्यसैगरि र्यापिड डाइग्नोस्टिक किटमार्फत ५ हजार २ सय ५१ नमुना परिक्षण गरिएको छ । दुबै जोडेर अहिलेसम्म देशभरिमा पिसिआर र र आरटिडी गरेर १० हजार ९ सय ८२ जनाको नमुना परिक्षण गरिएको उनले जानकारी दिए । अहिलेसम्म ५२ जिल्लामा र्यापिड डाइग्नोस्टिक किट मार्फत नमुना परिक्षण सुरु भइसकेको मन्त्रालयले जनाएको छ ।