डा. पदमराज पन्तको अध्यक्षतामा नेसोगको नयाँ समिति

हेल्थ टुडे,
काठमाडौं, २९ मंसिर : नेपाल भरिका स्त्री तथा प्रसूति रोग विशेषज्ञहरुको साझा संस्था नेपाल स्त्रीरोग तथा प्रसूति विशेषज्ञ समाज (नेसोग) को अध्यक्षमा वरिष्ठ स्त्रीरोग तथा प्रसूतिरोग विज्ञ प्रा. डा. पदमराज पन्त निर्वाचित भएका छन् । बिहीबार भएको नेसोगको निर्वाचनमा उपाध्यक्षमा डा. यमप्रसाद द्वा, सहासचिवमा डा. सपना अमात्य बैद्य, सहमहासचिवमा डा. स्मृति मास्के, सचिवमा डा. जितेन्द्र परियार निर्वाचित भएका छन् । त्यसैगरि सहसचिवमा डा. आस्था श्रेष्ठ, कोषाध्यक्षमा डा. देबी गुरुङ र सहसचिवमा डा. सुमनराज ताम्राकार चयन भएका छन । नेसोगको नयाँ कार्यसमिति सदस्यमा डा. कुमकुम झा, डा. सौगात कोइराला, डा. श्रेयषी अर्याल, डा. अस्मिता घिमिरे, डा. सुरेश कायस्थ र डा. पुन्य पौडेल छन् । प्रमुख निर्वाचन आयुक्त डा. बाबुराम मरासिनीका अनुसार मतदान अनलाइनका माध्यमबाट भएको हो । उपाध्यक्ष्य बाहेक अन्य पदहरुमा निर्विरोध निर्वाचन भएको थियो । उपाध्यक्षमा डा. यमप्रसादसँग डा. जागेश्वर गौतम पराजित हुनु भएको छ । डा. यमप्रसादले २०२ मत ल्याएर बिजय हुदा डा. जागेश्वर गौतमले १९२ मत ल्याएर पराजित भएका छन् । नेसोगको नयाँ कार्यसमितिको कार्यकाल २ वर्षको हुने छ । यो भन्दा पहिले नेसोगको अध्यक्ष प्रा.डा. गणेश दंगाल थिए । नव निर्बाचित अध्यक्ष डा. पन्त त्रिवि शिक्षण अस्पतालमा कार्यरत छन् । उनको घर बैतडी हो ।