हेल्थ टुडे,
काठमाडौं, ३ साउन : पुर्व प्रधानमन्त्री एवं सहित्यकार लोकेन्द्रबहादुर चन्दको स्वास्थ्य अवस्था बुझ्न गृह मन्त्री रमेश लेखक बिहीबार साझ वीर अस्पताल पुगेका छन् । पुर्व प्रधानमन्त्री चन्द बिगत ४ दिनदेखि वीर अस्पतालमा उपचार गराइरहेका छन् । गृह मन्त्री लेखकले उपचाररत पुर्व प्रधानमन्त्री चन्दको स्वास्थ्य अवस्थाका बिषयमा वीरका चिकित्सकहरुसँग जानकारी लिनुका साथै चन्दसँग कुराकानी गरेका थिए । सो अवसरमा चिकित्सा विज्ञान राष्टिय प्रतिष्ठान (न्याम्स) वीर अस्पतालका उपकुलपति प्रा. डा. भुपेन्द्र बस्नेत, न्याम्सका रेक्टर डा.लोचन कार्की लगायतका चिकित्सकले चन्दको स्वास्थ्य अवस्थाका बिषयमा गृह मन्त्री लेखकलाई जानकारी गराएका थिए । चन्दको स्वास्थ्य अवस्था सुधारोन्मुख रहेको वीर अस्पतालले जनाएको छ । चन्द लामो समयदेखि ढाड दुख्ने लगायतका समस्याबाट पिडित छन् । पुर्व प्रधानमन्त्री चन्द र गृह मन्त्री लेखकको गृह जिल्ला बैतडी हो ।
पुर्व प्रधानमन्त्री चन्दको स्वास्थ्य अवस्था बुझ्न गृहमन्त्री लेखक पुगे वीर अस्पताल
![पुर्व प्रधानमन्त्री चन्दको स्वास्थ्य अवस्था बुझ्न गृहमन्त्री लेखक पुगे वीर अस्पताल](http://healthtodaynepal.com/wp-content/uploads/2024/07/b-Bir-Lokendra-216153361_n-Copy-940x705.jpg)
Leave a Reply