जर्मनीका राजदूत डा. रुपाखेती सहित ४ राजदूतले राष्ट्रपतिबाट लिए शपथ

हेल्थ टुडे,
काठमाडौं, १६ मंसिर : जर्मनीका लागि नवनियुक्त राजदूत डा. शैल रुपाखेती सहित विभिन्न चार देशका नवनियुक्त राजदूतहरूले शपथ ग्रहण गरेका छन् । राष्ट्रपति रामचन्द्र पौडेलले आज शीतलनिवासमा आयोजित एक समारोहका बीच नेपालका लागि अमेरिका, जर्मनी, साउदी अरब र अष्ट्रेलियाका राजदूतको शपथ ग्रहण गराएका हुन् ।
संयुक्त राज्य अमेरिकाका लागि लोकदर्शन रेग्मी , संघीय गणतन्त्र जर्मनीका लागि डा. शैल रूपाखेती, साउदी अरेबियाका लागि डा. नरेशविक्रम ढकाल र चित्रलेखा यादव अष्ट्रेलियाको राजदुतमा नियुक्त भएका थिए । उनीहरुलाई आज राष्ट्रपति पौडेलले शपथ ग्रहण गराएका हुन् ।
उक्त समारोहमा परराष्ट्रमन्त्री डा. आरजु राणा देउवालगायत नेपाल सरकारका उच्च पदस्थ अधिकारीहरूको समेत उपस्थिति रहेको थियो ।