उपचारकालागि ओली बैंकक जाने

हेल्थ टुडे
काठमाडौ, २१ पुष : पाँच दिनदेखि अस्वस्थ भएर घरमै चिकित्सकहरुको निगरानीमा आराम गरिरहेका एमाले अध्यक्ष केपी ओली स्वास्थ्य उपचारका लागि बैंकक जाने भएका छन् । ओली यही पुष २६ गते स्वास्थ्य परिक्षणका लागि थाइल्याण्डको बैंकक जाने उनका प्रेस सहयोग चेतन अधिकारीले बताए । ओलीले बिगत लामो समयदेखि आफ्नो नियमित स्वास्थ्य परिक्षण र उपचार बैंककमा गराउदै आइरहेका छन् । बिसं २०६४ असारमा नयाँ दिल्लीस्थित अपोलो अस्पतालमा ओलीको मिर्गौला प्रत्यारोपण गरिएपछि स्वास्थ्य परिक्षणका लागि ओली बैंकक जाने गरेका छन् । भावी प्रधानमन्त्रीका रुपमा हेरिएका ओली अस्वस्थ भएपछि एमाओवादीसँग हुने भनिएको निर्णायक वार्ता हुन सकिरहेको छैन् ।