दुई दिने अन्र्तराष्ट्रिय दन्त सम्मेलन सुरु

काठमाण्डौ,२५ कार्तिक : राजधानीको ह्यात होटलमा शनिवार देखि दुई दिने अन्र्तराष्ट्रिय दन्त सम्मेलन सुरु भएको छ । हरेक वर्ष हुने दन्त सम्मेलनमा यसपाली १४ वटा देशका ४०० भन्दा बढी दन्त चिकित्सकहरुको भेला भएको छ ।  यस सम्मेलनले दन्त सम्बन्धीका नँया नँया प्रविधि भित्रयाउन सहयोग गर्ने  आयोजक समितिका सचिव डा. सुवित मास्के ले बताए । । सम्मेलनमा डेन्टल सम्बन्धीका प्रविधि तथा सामग्रीहरुको प्रर्दशनी रहेको छ । यस सम्मेलनमा डेन्टल सम्बन्धी बृहत छलफल हुने हुदा विदेश बाट सम्मेलनमा आउने चिकित्सकको संख्या पनि बढेको छ । सम्मेलनको उदघाटन स्वास्थ्य सचिव डा. किरण रेग्मी ले गर्नु भएको थियो । नेपालका बरिष्ट दन्त चिकित्सकहरु तथा डेन्टल ऐसोसिएसनका पदाधिकारीहरुको पनि सहभागीता थियो ।