हेल्थ टुडे,
काठमाडौं, ३ साउनः २० दिनदेखि जुम्लामा अनशनरत डा गोविन्द केसी काठमाडौं फर्किएका छन् । उहाँको साथमै रहनुभएका विशद दाहालले डा केसीलाई लिएर सेनाको हेलिकप्टर काठमाडौं प्रस्थान गरेको जानकारी दिनुभएको छ । डा. केसीलाई काठमाडौं ल्याउनका सेनाको हेलिकप्टर बिहीबार बिहान काठमाडौंबाट जुम्ला पुगेको थियो ।
डा केसीलाई काठमाडौं ल्याउने सरकारी प्रयास र ल्याउन नदिने स्थानीय तथा विद्यार्थीको अवरोधका बीच कर्णाली अस्पतालतको वातावरण तनावग्रस्त भएको थियो ।
अस्पतालमा झडप र सरकारको दमन बढेपछि डा केसीले पत्रकार सम्मेलन गर्दै आफु काठमाडौं जान तयार भएको तर माग पूरा नभएसम्म अनशन नतोड्ने बताउनुभएको छ ।
यसअघि बिहीबार बिहान डा केसीलाई लिन नेपाली सेनाको हेलिकोप्टर जुम्ला गएपछि अस्पतालमा स्थानीय र विद्यार्थीले डा. केसीलाई काठमाडौं लैजान नदिने भन्दै अवरोध गरेका थिए । सोही क्रममा प्रहरीले लाठीचार्ज, अश्रुग्यास प्रहार गर्नुका साथै गोली समेत चलाएको थियो । जुम्ला अस्पतालमा भएको झडपका क्रममा एक प्रहरीलाई गोली लागेको थियो ।
कर्णाली स्वास्थ्य विज्ञान प्रतिष्ठान स्रोतले ती प्रहरीको मृत्यु भएको भनिए पनि आधिकारीक तथ्य सार्वजनिक भने भएको छैन । अस्पतालका कर्मचारीले अस्पतालमा ४ राउण्ड गोली प्रहार भएको बताएका छन् ।
Leave a Reply