हेल्थ टुडे,
काठमाडौ,२९ फागुनः विश्व मृगौला दिवसको अवसरमा सानेपा स्थित स्टार हस्पिटलले नयाँबजार क्लब किर्तिपुर र नयाँ छहारी नेपाल किर्तिपुरसंगको सहकार्यमा किर्तिपुरको नयाँ बजारमा मृगौला रोग सम्बन्धी वृहत स्वास्थ्य शिविरको आयोजना गरेको छ ।
शिविरमा स्टार हस्पिटलका बरिष्ठ मृगौला रोग विशेषज्ञहरु एसोसिएट प्रो. डा. लक्ष्मणप्रसाद अधिकारी र डा. अनिल पोखरेलको नेतृत्वमा अन्य चिकित्सक तथा स्वास्थ्यकर्मीको टोलीले स्वास्थ्य परिक्षण गरेका थिए ।
स्टार हस्पिटलले शिविरका अवसरमा स्वास्थ्य जाँच गराएका बिरामीहरुका लागि अस्पतालले निःशुल्क रुपमा सुगर, पिसाब तथा रगतको जाँचको व्यवस्था गरेको जनाएको छ ।
सामाजिक स्वास्थ्य कार्यक्रम अन्र्तगत गरिब, निमुखा, विभिन्न स्वास्थ्य समस्याबाट ग्रसित भई सरल र सुलभ दरमा स्वास्थ्य सेवाबाट वञ्चित विरामीहरुलाई लक्षित गरि आयोजना गरिएको शिविरमा करिब ५०० जना बिरामीले स्वास्थ्य सेवा लिएका थिए ।
विगत एक दशक अघिबाट निरन्तर स्वास्थ्य सेवामा समर्पित अस्पताल, निकै नै सुविधा सम्पन्न तथा आकर्षक भवनमा सरेको अवस्थामा, अत्याधुनिक उपकरण तथा उपचार पद्दतीबाट मृगौला रोग सम्बन्धी सम्पूर्ण उपचार गर्न सक्षम रहेको छ ।
आगामी दिनहरुमा पनि सामाजिक सेवाको भावले यस्तै किसिमका स्वास्थ्य सेवा कार्यक्रमहरु हस्पिटल लगायत देशका विभिन्न स्थानहरुमा संचालन गर्दै लैजाने अस्पतालका व्यवस्थापक हरि ढकालले जानकारी दिए ।
Leave a Reply