हेल्थ टुडे,
बुटवल,२८ असारः लुम्बिनी मेडिकल कलेज प्रभासमा शुक्रबार मध्याह्न जन्मिएको शिशु सोहि दिन दिउँसो ३ बजे अस्पताल परिसरबाटै हराएको छ । तानसेन नगरपालिका–९ बस्ने २२ वर्षीया जमुना रानाले जन्माएको शिशु केही घण्टामै हराएको जिल्ला प्रहरी कार्यालय पाल्पाले जनाएको छ ।
सुत्केरी जमुनाको रेखदेख गर्न साथमा उनकी आमा अस्पतालमा आएकी थिइन् । अर्धचेत अवस्थामा रहेकी जमुनालाई आमाले झोलिलो खानेकुरा लिन नवजात शिशुसहित क्यान्टिनमा पुगेकी थिइन् । उनीसँगै एकजना अपरिचित महिलाले सहयोग गर्ने भन्दै शिशु आफूले अस्पतालको कक्षमा ल्याइदिने बाहना गरी ज्वानोको झोल जमुनाकी आमालाई लैजान पठाएकी थिइन् ।
छोरीसँग पुगेको केही समयसम्म अपरिचित महिलाले शिशु लिएर नगएपछि सुत्केरीकी आमाले अस्पताल प्रशासनमा जानकारी गराएकी थिईन् । घटनाबारे प्रहरीले अनुसन्धान गरिरहेको छ ।
Leave a Reply