हेल्थ टुडे,
रोल्पा,१२ साउनः रोल्पा अस्पतालले आर्थिक वर्ष २०७५–०७६ मा ४ हजार ४ सय ६८ जनालाई एक्सरे सेवा प्रदान गरेको छ । यद्धपि रोल्पा अस्पताल भौतिक पूर्वाधार तथा स्वास्थ्यका आधारभुत उपकरणको अभावका वावजुद सेवा सञ्चालन गरिरहेको छ । सबैभन्दा बढी चैत महिनामा ४ सय २८ जनाले एक्सरे सेवा लिएको अस्पताल प्रशासनले जनाएको छ ।
एक्सरे लिनेमा पुरुषको तुलनामा महिला बढी छन् । रेडियोलोजी शाखाको तथ्यांकअनुसार एक्सरे सेवा लिने पुरुष २ हजार २ सय ३१ जना छन् भने २ हजार २ सय ३७ जना महिला छन् ।
जिल्ला अस्पताल रोल्पाले अति गरिब, विपन्न, ज्येष्ठ नागरिक, अपाङ्ग, असहाय, घरेलु हिंसा तथा उत्पीडनमा परेका महिलाहरुलाई निःशुल्क एक्सरे सेवा प्रदान गरिरहेको छ ।
आर्थिक वर्ष २०७५–०७६ मा ३ हजार ८ सय ८ जनाले निःशुल्क एक्सरे सेवा लिएको अस्पताल प्रशासनले जानकारी दिएको छ । जिल्ला अस्पताल अहिले १५ शैयामात्र सञ्चालित छन् ।
Leave a Reply