ॐ चावहिल डेन्टल हस्पिटल र जर्मन नेपाल सहयोग संघबिच सम्झौता

हेल्थ टुडे,
काठमाडौं : ॐ चावहिल डेन्टल हस्पिटल र जर्मन नेपाल सहयोग संघबिच सम्झौतापत्रमा हस्ताक्षर भएको छ । सम्झौतापत्रमा दुबैले देशका विभिन्न दुर्गम क्षेत्रका जनतालाई निशुल्क दन्त सेवा प्रदान गरि आफ्नो उत्तरदायित्व निर्वाह गर्ने प्रतिवद्धता व्यक्त गरेका छन् । सम्झौता पत्रमा ॐ चावहिल डेन्टल हस्पिटलका अध्यक्ष कृष्ण घिमिरे र जर्मन नेपाल सहयोग संघका अध्यक्ष केदारबहादुर तामाङले संयुक्त रुपमा हस्ताक्षर गरेका छन् । यस अनुसार आउदो मंसिर ५ गतेदेखि धादिङमा पाँच दिने दन्त सिविर सञ्चालन हुने भएको छ । घिमिरेका अनुसार यस वर्ष सिविर हुने ठाउँहरुमा धादिङ, काभ्रे, दोलखा, सिन्धुपाल्चोक रहेका छन् । यी सबै सिविर निशुल्क हुने भएकाले यहाँका जनताले निशुल्क रुपमा दन्त सेवा प्राप्त गर्ने छन ।