सुदूरपश्चिममा थप १८ जनाका कोराना संक्रमण, कुल संक्रमित ६३ पुगे, आज कैलालीमा १० र कञ्चनपुरमा ८ थपिए

हेल्थ टुडे,
काठमाडौं, २० जेठ : सुदूरपश्चिम प्रदेशमा आज थप १८ जनाका कोरोना संक्रमण देखिएको छ । सेती प्रादेशिक प्रयोगशालामा परीक्षण गरिएका नमुनामध्ये पिसिआर प्रविधि मार्फत जाच गर्दा कैलालीका १० जना र कञ्चनपुरका ८ जना गरि थप १८ जनामा कोरोना संक्रमण पुष्टि भएको सेती प्रादेशिक अस्पतालले जनाएको छ । यसरी सुदूरपश्चिम प्रदेशमा कुल संक्रमितको संख्या ६३ पुगेको छ । ती मध्ये ७ जना निको भएर घर फर्केका छन भने एक जनाको मृत्यु भएको छ । कैलालीमा संक्रमण देखिएका १० जना मध्ये ४ जना टीकापुरका रहेका छन । १८ जना मध्ये १७ जना पुरुष र एक जना महिला छन् । कन्चनपुरमा कोरोना पोजेटिभ देखिएका मध्ये ३०, २८, ३३, ५०, ३६, ५२, ३३ र ३५ बर्षिय पुरुष छन । कैलालीको टीकापुरमा देखिएकामा ६३,३५ र २० बर्षिप पुरुष छन भने एक जना १८ बर्षिय महिला छन् । त्यसैगरि कैलालीमा संक्रमण देखिएका अन्य पुरुषहरु ३२, २४, ३२,१९,२८ र २० बर्षिय पुरुष छन् । पछिल्ला दिनमा रोजगारीका लागि भारत गएका यस क्षेत्रका नागरिक घर फर्कन थालेपछि सुदूरपश्चिम कोरोनाको उच्च जोखिममा छ । स्वास्थ्य मन्त्रालयका अनुसार सुदूरपश्चिममा ४० हजार ७७१ जना क्यारेन्टाइनमा छन । तर सरकारले उनीहरुको स्वास्थ्य जाचका लागि किटको व्यवस्था गरेका छैन ।