डा. पुकारको नेतृत्वमा कर्णाली प्रदेश अस्पताल सुर्खेतमामा ६ जनाको मिर्गौलाको प्रत्यारोपण

हेल्थ टुडे,
सुर्खेत, २० फागुन : सहिद धर्मभक्त राष्ट्रिय प्रत्यारोपण केन्द्रका कार्यकारी निर्देशक समेत रहेका वरिष्ठ अंग प्रत्यारोपण विज्ञ डा. पुकारचन्द्र श्रेष्ठको नेतृत्वमा कर्णाली प्रदेश अस्पतालमा सुर्खेतमा ६ जनाले मिर्गौला प्रत्यारोपण गरिएको छ । भक्तपुरमा रहेको सहिद धर्मभक्त राष्ट्रिय प्रत्यारोपण केन्द्रको सहकार्यमा कर्णाली प्रदेश अस्पतालमा सुर्खेतमा सञ्चालन गरिएको सेवाबाट ६ जनाको मिर्गौला प्रत्यारोपण गरिएको छ ।
सहिद धर्मभक्त राष्ट्रिय प्रत्यारोपण केन्द्रका निर्देशक डा. पुकारचन्द्र श्रेष्ठले कर्णालीमा प्रत्यारोपण सेवा सुरु गर्दा कर्णाली प्रदेश मात्र नभएर अन्य प्रदेशका नागरिकले पनि प्रत्यक्ष लाभ लिएको बताए । कर्णालीमा प्रत्यारोपण सेवा सञ्चालन हुँदा जिल्ला बाहिर जानु पर्ने बाध्यता हटेको छ । प्रदेश अस्पतालमा पहिलो पटक २०७९ माघ २१ पहिलो मिर्गौला प्रत्यारोपण गरिएको थियो । प्रत्यारोपण केन्द्रका निर्देशक डा. श्रेष्ठले अन्य प्रदेशमा रहेका अस्पतालको तुलनामा कर्णाली प्रदेश अस्पताल सेवा प्रवाहमा धेरैअघि छ ।
’यो अस्पतालले निकै उत्कृष्ट सेवा दिइरहेको छ,’ उनले भने, ‘कर्णाली प्रदेशका दुई डाक्टरलाई राष्ट्रिय प्रत्यारोपण केन्द्रले फेलोसिपमा एक वर्षको कोर्स गर्न सहयोग गर्ने छ । त्यसपछि प्रत्यारोपण गर्नका लागि काठमाडौंको जनशक्ति भर पर्नु पर्दैन ।’
प्रदेश अस्पताल निर्देशक डा.केशर ढकालले अस्पतालले अन्य विशेषज्ञ सेवा विस्तार गर्ने तयारी समेत रहेको बताए । प्रदेश अस्पतालमा क्यान्सर रोगको उपाचारका लागि अंकोलोजी सेवा सञ्चालन गरिएको छ भने जनरल उपचार तथा शल्यक्रिया सेवा पनि थप गरिएको छ ।