तराईमा आएको बाढी र डुवानपछि महामारी फैलन नदिन जिल्ला स्वास्थ्य कार्यालय महोत्तरीले विशेष सतर्कता अपनाएको छ । प्राकृतिक प्रकोपहरुपछि आउनसक्ने सम्भावित महामारीजन्य रोगहरुलाई रोकथाम गर्न र बेलैमा बिरामीको अवस्था जानकारी थाहा पाउन जिल्ला स्वास्थ्य कार्यालय महोत्तरीले जिल्लाका सम्पूर्ण स्वास्थ्य संस्थाहरु लाई ओपिडी समय सकिएपछि जिल्ला स्थित आरआरटी फोकल पर्सनलाई मोबाइलको एसएमएस मार्फत लाक्षणिक रोगहरुको दैनिक बिरामी संख्याको विवरण पठाउने प्रणाली सुरु गरेको छ । बाढी र डुबानपछि महामारी जन्य रोगहरु फैलनसक्ने भएकाले महामारीको प्रकोपलाई रोक्न जिल्ला स्वास्थ्य कार्यालय र इपिडिमियोलोजी तथा रोग नियन्त्रण महाशाखालाई प्रभावकारी तरिकाले योजना बनाउन र महामारी जन्य रोगको दैनिक अवस्था बिस्लेषण गर्नलाई यो कार्यक्रम सुरु गरिएको आरआरटी फोकल पर्सन सन्तोश ठाकुरले बताए ।
दैनिक एसएमएस प्रणाली यमडीयम, फ्रान्सको आर्थिक तथा प्राबिधिक सहयोगमा सुरु गरिएको फोकल पर्सन ठाकुरले बताए । यस कार्यक्रमकोलागि यमडीयम, फ्रान्सले महोत्तरी जिल्लाका सम्पूर्ण स्वास्थ संस्थाहरुलाई दैनिक एसएमएस रिपोटिङ गर्ने तरिका बारे तथा अन्य प्राबिधिक सहयोगका कुराहरुमा सहयोग गरिरहेको छ । दैनिक रुपमा ३ बजेपछि सम्पूर्ण स्वास्थ संस्थाहरुले जिल्ला स्थित आरआरटी फोकल पर्सनलाई एसएमएस रिपोर्ट पठाउने छन् र फोकल पर्सनले सम्पूर्ण स्वास्थ संस्थाको रिपोर्ट समायोजन गरेर सम्पूर्ण तथ्यांक इपिडिमियोलोजी तथा रोग नियन्त्रण महाशाखा टेकुमा दैनिक रुपमा पठाउने छन् महोत्तरीमा बाढी तथा डुबान पछी विभिन्न स्थानमा स्वास्थ सिबिर गरिएकोले रोग नियन्त्रणमा केहि सहज भएको छ । तथापी स्वास्थ सिबिरमा पानीजन्य रोगहरु जस्तै झाडापखाला,आउ,रुघाखोकी का बिरामी को संख्या अत्यन्तै बढी भएकोले दैनिक रुपमा सम्पूर्ण स्वास्थ संस्था हरुको बिरामी चापलाई जिल्लाबाट एसएमएसको माध्यमबाट निगरानी गर्न सकिने भएकोले उक्त कार्यक्रम पश्चात् रोगले महामारीको रुप लिने सम्भावना एकदमै कम हुने विश्वास विज्ञहरुको छ ।
बाढी र डुबानबाट झापा, मोरङ, सुनसरी, सप्तरी, सिराहा, धनुषा, महोत्तरी, सर्लाही, रौतहट, बारा, पर्सा, मकवानपुर, चितवन, नवलपरासी, रूपन्देही, कपिलवस्तु, दाङ, बाँके, बर्दिया, कैलाली, कालीकोट, सुर्खेत, सल्यान, बागलुङ, पाल्पा, रसुवा, सिन्धुली, इलाम, पाँचथर, ललितपुरसहित ३० जिल्ला प्रभावित भएका छन् ।
Leave a Reply