अस्पताललाई अनसनस्थल बनाएकोमा बिरोध

हेल्थ टुडे

अस्पताललाई अनसनस्थल बनाई विरामीको उपचार पाउने अधिकारको हनन् गरेको विरोधमा त्रिवि शिक्षण अस्पतालका चिकित्सक, स्वास्थ्यकर्मि, उपचारका लागि आएका विरामी, उनका आफन्त, विद्यार्थी र भेला भएका सर्वसाधारणले डा. गोविन्द केसीको अनसनका विरोधमा नाराबाजी गरेका छन् ।

आईतबार साँझदेखि केसीले आठौ अनसनका विपक्षमा यो पटक ठूलो समूह बिरोधमा उत्रिएको हो ।यो भन्दा पहिलेका अनसनका बेला केसीको खासै बिरोध हुने गरेको थिएन । हरेक वर्ष एमविविएसको भर्ना हुने समय आउनै लाग्दा अस्पताललाई अनसन स्थल बनाएर विरामीको उपचारमा बाधा गरेर माग पुरा गर्न दवाव दिदै आएका केसीलाई यो पटक भने त्रिवि शिक्षण अस्पतालका प्राध्यापक, चिकित्सक, स्वास्थ्यकर्मि मात्र नभएर सर्वसाधारणले पनि साथ छोड्दै गएका छन ।

उनको विरोधमा नााबारी हुन थालेपछि उनका समर्थनले पनि केसीका पक्षमा नारा लगाएका थिए । त्रिवि शिक्षण प्रशासन र चिकित्साशास्त्र अध्यनन संस्थानले अस्पताल परिषरमा अनसन नबस्न पत्र लेखेरै दिए पनि उनी जिद्दी गरेरै अस्पताल परिषरमा अनसन बसेका छन । उनलाई बिगत वर्षहरुमा अनसन बस्ने कोठा उपलब्ध गराइएको छैन ।

बिगत वर्षका अनसनका बेला भेला हुने पत्रकार र शुभचिन्तकको संख्या यो पटक एकदमै न्यून थियो । अख्तियार प्रमुख लोकमानसिह कार्कीलाई महाअभियोग लगाउनु पर्ने प्रमुख माग राखेर अस्पतालमा अनसन बसेपछि उनको सबैतिर विरोध हुन थालेको हो । केसीले यसअगाडि अठाएका अधिकांश माग पुरा भइसकेकाले अनसनको औचित्य नभएको सरकारले जनाएको छ ।