स्वास्थ्य दर्पणको छैटौ वार्षिकोत्सवमा ४ चिकित्सक सम्मानित

हेल्थ टुडे,

काठमाडौं : स्वास्थ्य दर्पण मिडिया नेटवर्कको छैटौ वार्षिकोत्सवका अवसरमा ४ जना चिकित्सकलाई सम्मान गरिएको छ । राजधानीमा शनिबार आयोजित कार्यक्रममा पूर्व स्वास्थ्य राज्यमन्त्री डा. वंशीधर मिश्रले स्वास्थ्य दर्पण टेलिभिजन कार्यक्रमको छैटौ वार्षिकोत्सवको अवसरमा ती चिकित्सकहरुलाई सम्मानित गरेका हुन । सम्मान पाउनेहरुमा काठमाडौंबाट मुटुरोग विशेषज्ञ डा. प्रकाशराज रेग्मी, चितवनबाट डा. भोजराज अधिकारी र डा. अर्जुन श्रेष्ठ र नेपालगन्जबाट डा. बिनोद थापा छन् । नेटवर्कका अध्यक्ष सन्दीपकुमार श्रेष्ठले चिकित्सा क्षेत्रमा कार्यरत चिकित्सकहरुको कामको कदर गर्दै सम्मानित गरिएको बताए । स्वास्थ्य दर्पण कार्यक्रम एनटिभी प्लसबाट साप्ताहिक रुपमा प्रशारण हुदै आइरहेको छ । कार्यक्रममा नेपाल पत्रकार महासंघका उपाध्यक्ष विपुल पोखरेल र नेपाल चिकित्सक संघका वरिष्ठ उपाध्यक्ष डा. ढुण्डीराज पौडेलले शुभकामना व्यक्त गरेका थिए ।