विशेषको उपचारका लागि आर्थिक सहयोग

काठमाडौँ, २५ असारः अर्घाखाँची भूमिकास्थान–१ का ६ वर्षीय बालक विशेष बेल्बासेको स्वास्थ्य उपचारका लागि रु एक लाख ३१ हजार १०० प्रदान गरिएको छ । अर्घाखाँचीकै छत्रदेव गाउँपालिकाका समाज सेवीद्वय सचिन पाण्डे र शिवदेव पाण्डेले ‘विशेष बचाऊ’ अभियान सञ्चालन गरी देश÷विदेशबाट सहयोग जुटाउनुभएको हो ।
काठमाडौंमा आज आयोजित कार्यक्रममा रिपोर्टर्स क्लबका अध्यक्ष ऋषि धमलाले उक्त रकम बिरामी बालक विशेषलाई हस्तान्तरण गर्नुभयो । जिङ्थेरापीको कमीबाट बिग्रँदो स्वास्थ्य स्थितिमा पुगेका बालक विशेषका बारेमा अनलाइनमा समाचार आएपछि सचिन पाण्डेले उक्त अभियान शुरु गर्नुभएको थियो ।
यही असार ५ गतेदेखि शुरु गरिएको ‘विशेष बचाऊ’ अभियानमा देश तथा विदेशमा रहेका नेपालीबाट सहयोग जुटेको सचिन पाण्डेले जानकारी दिनुभयो । बालक विशेषका बुबा खिमानन्द बेल्बासे पनि दुवै मिर्गाैला फेल भएर हाल उपचाररत हुनुहुन्छ ।
सहयोग गर्न चाहनेले विशेषको नाममा रहेको कृषि विकास बैंक भक्तपुरको खाता नं ०२१२१०१२३४०२९०२२ मा सहयोग रकम जम्मा गरिदिनुहुन आग्रह गरिएको छ ।
रासस