• गृहपृष्ठ
  • समाचार
  • अन्तर्वार्ता
  • बिशेषज्ञ लेख
  • परिवार स्वास्थ्य
  • मानसिक
  • यौन
  • उपचार बिधी
  • स्वास्थ्य विशेष
  • योग
  • पोषण
  • आयुर्वेद
Health Today Nepal
  • November 22nd, 2026
Health Today Nepal
  • गृहपृष्ठ
  • समाचार
  • अन्तर्वार्ता
  • बिशेषज्ञ लेख
  • परिवार स्वास्थ्य
  • मानसिक
  • यौन
  • उपचार बिधी
  • स्वास्थ्य विशेष
  • योग
  • पोषण
  • आयुर्वेद
Home
समाचार

विश्व दृष्टि दिवस : दृष्टि समस्या भएका ३० प्रतिशत दक्षिण–पूर्वी एसियामा

October 8th, 2026 समाचार 0 comments
Facebook Twitter Google+ LinkedIn Pinterest
विश्व दृष्टि दिवस : दृष्टि समस्या भएका ३० प्रतिशत दक्षिण–पूर्वी एसियामा

हेल्थ टुडे

काठमाडौं, २२ असोज : विश्वभर करिब २ अर्ब २० करोड मानिस कुनै न कुनै प्रकारको दृष्टि समस्याबाट प्रभावित छन् । विश्व स्वास्थ्य संगठन (डब्लूएचओ) का अनुसार तीमध्ये झन्डै ३० प्रतिशत मानिस दक्षिण–पूर्वी एसिया क्षेत्रमा बसोबास गर्छन् । दृष्टि समस्याबाट प्रभावित विश्वको कुल जनसंख्याको झन्डै आधामा शल्यक्रिया वा चस्माको प्रयोगबाट समस्या समाधान गर्न सकिने अवस्था छ ।

विश्व दृष्टि दिवसको अवसरमा डब्लूएचओ दक्षिण–पूर्वी एसियाका कार्यवाहक प्रमुख डा. निलेश बुद्धले आँखा स्वास्थ्यप्रति जनचेतना अभिवृद्धि गर्न, समयमै दृष्टि परीक्षण गर्न र आवश्यक उपचारमा पहुँच बढाउन आग्रह गरेका छन् । हरेक वर्ष अक्टोबर महिनाको दोस्रो बिहीबार मनाइने विश्व दृष्टि दिवसले आँखा स्वास्थ्यको महत्त्वबारे सर्वसाधारण, नीतिनिर्माता र स्वास्थ्य सेवा प्रदायकलाई सचेत गराउने उद्देश्य राखेको छ ।

डब्लूएचओका अनुसार दक्षिण–पूर्वी एसिया क्षेत्रमा मोतिबिन्दु, चस्माको आवश्यकता भएर पनि प्रयोग नगर्नु तथा मधुमेहका कारण आँखाको पर्दामा हुने क्षति (डायबेटिक रेटिनोप्याथी) अन्धोपना तथा दृष्टि कमजोर हुने प्रमुख कारण हुन् । यी तीन समस्याले यस क्षेत्रका ९० प्रतिशतभन्दा बढी दृष्टि समस्या तथा अन्धोपनका घटनामा योगदान पु¥याएका छन् । सन् २०२१ मा विश्व स्वास्थ्य सभाबाट अनुमोदित लक्ष्यअनुसार सन् २०३० सम्म प्रभावकारी दृष्टि सुधार सेवा कभरेजमा ४० प्रतिशत बिन्दु र प्रभावकारी मोतिबिन्दु शल्यक्रिया कभरेजमा ३० प्रतिशत बिन्दुले वृद्धि गर्ने प्रतिबद्धता गरिएको छ । तर, हाल दक्षिण–पूर्वी एसियामा प्रभावकारी दृष्टि सुधार सेवा कभरेज २७.४ प्रतिशत र प्रभावकारी मोतिबिन्दु शल्यक्रिया कभरेज २६.४ प्रतिशत मात्र रहेको छ ।

त्यसैगरी, सन् २०३० सम्म मधुमेह भएका ८० प्रतिशत व्यक्तिको आँखाको पर्दामा हुने क्षतिको परीक्षण गर्ने र दृष्टि गुम्ने जोखिमयुक्त समस्या पहिचान भएका ८० प्रतिशतलाई उपचार प्रदान गर्ने लक्ष्य राखिएको छ ।

दक्षिण–पूर्वी एसिया क्षेत्रमा आँखा स्वास्थ्य सुधारका क्षेत्रमा केही महत्त्वपूर्ण उपलब्धि हासिल भएका छन् । डब्लूएचओका अनुसार टिमोर–लेस्तेको प्रमाणीकरणपछि यस क्षेत्रले अन्धोपनको प्रमुख संक्रामक कारण मानिने ट्रकोमालाई जनस्वास्थ्य समस्याका रूपमा उन्मूलन गरेको छ ।

बंगलादेश, भुटान, भारत, माल्दिभ्स, नेपाल, श्रीलंका, थाइल्यान्ड र टिमोर–लेस्तेले दृष्टि समस्या न्यूनीकरणका लागि डब्लूएचओको ‘स्पेक्स २०३०’ पहललाई राष्ट्रिय स्तरमा कार्यान्वयन गर्न थालेका छन् । भुटान, श्रीलंका र माल्दिभ्सले यस पहलका सिद्धान्त समेटेर राष्ट्रिय आँखा स्वास्थ्य रणनीति विकास गरिरहेका छन् ।

सन् २०२५ मा भारतमा आयोजित क्षेत्रीय आँखा स्वास्थ्यसम्बन्धी बैठकमा थाइल्यान्ड, भुटान र भारतका अनुभवले प्रविधिमा आधारित परीक्षण तथा टेलिमेडिसिनको प्रयोगबाट मधुमेहका कारण हुने आँखाको क्षति पहिचान र उपचारमा सहयोग पुगेको देखाएका थिए ।

यद्यपि, यस क्षेत्रमा दृष्टि सुधार सेवाको आवश्यकता भएका करिब ४७ प्रतिशत मानिसले अझै आवश्यक सेवा पाउन सकेका छैनन् । विशेषगरी न्यून आय भएका परिवार, महिला तथा ज्येष्ठ नागरिकले आवश्यक परेको समयमा सुलभ मूल्यमा चस्मा तथा आँखा उपचार सेवा प्राप्त गर्न कठिनाइ भोगिरहेका छन् ।

सरकारी सेवाको सीमित उपलब्धता, दक्ष आँखा स्वास्थ्यकर्मीको अभाव, उपचारमा लाग्ने व्यक्तिगत खर्च तथा भरपर्दो तथ्यांकको कमीले समस्या थप जटिल बनाएको डब्लूएचओले जनाएको छ । डब्लूएचओले आँखा स्वास्थ्य सेवाको पहुँच विस्तारसँगै सर्वसाधारणलाई आफ्नो दृष्टिबारे जानकारी लिन र समस्या देखिएमा समयमै स्वास्थ्य सेवा लिन प्रोत्साहित गरेको छ । नियमित दृष्टि परीक्षणले समस्या प्रारम्भिक चरणमै पहिचान गर्न र आवश्यक उपचार समयमै सुरु गर्न सहयोग पु¥याउँछ ।

दृष्टि परीक्षणका सामान्य विधिमध्ये दृश्य तीक्ष्णता परीक्षण (भिजुअल एक्युटी टेस्ट) एक हो । यसले निश्चित दूरीबाट अक्षर वा वस्तु कति स्पष्ट रूपमा देख्न सकिन्छ भन्ने मापन गर्छ । यसका लागि डब्लूएचओले ‘डब्लूएचओआइज’ नामक निःशुल्क मोबाइल एप उपलब्ध गराएको छ । स्मार्टफोन वा ट्याब्लेटको प्रयोग गरी घरमै आफ्नो दृश्य तीक्ष्णता जाँच गर्न यस एपले सहयोग गर्छ ।

तर, एपबाट गरिने स्वमूल्यांकनले आँखा स्वास्थ्य विशेषज्ञबाट गरिने पूर्ण परीक्षणको स्थान लिन नसक्ने डब्लूएचओले स्पष्ट पारेको छ । एपको नतिजा सामान्य देखिए पनि नियमित रूपमा आँखा स्वास्थ्यकर्मीसँग परीक्षण गराउनु महत्वपूर्ण हुन्छ ।

 

Facebook Twitter Google+ LinkedIn Pinterest
Previous article मधुमेहको समस्या छ भने सानो थालमा खानुस्
Next article कांग्रेस महाधिवेशनमा चिकित्सक संघका तीन पूर्वअध्यक्षको उम्मेदवारी

Health Today Nepal

Related Posts

स्वास्थ्य सूचनामा फेरि खड्का

स्वास्थ्य सूचनामा फेरि खड्का

स्वास्थ्य राज्यमन्त्री ए क्लासको ठेकेदार

स्वास्थ्य राज्यमन्त्री ए क्लासको ठेकेदार

अस्पताललाई अनसनस्थल बनाएकोमा बिरोध

अस्पताललाई अनसनस्थल बनाएकोमा बिरोध

Leave a Reply Cancel reply

Timeline
Nov 22nd 7:05 AM
अन्तर्वार्ता

१४  बुदे घोषणापत्र जारी गर्दे प्रथम राष्ट्रिय स्वास्थ्य प्रवर्द्धन सम्मेलन सम्पन्न

Nov 16th 5:56 PM
समाचार

नेपालसँग स्वास्थ्य सहकार्य विस्तार गर्न चीन तयार

Nov 16th 8:26 AM
बिशेषज्ञ लेख

मधुमेहबाट बच्न यी पाँच कुरामा ध्यान दिउ

Nov 2nd 4:57 PM
समाचार

नेपालमा वर्षेनी ७ हजारभन्दा बढीको आत्महत्याबाट मृत्यु, रोकथाममा जिम्मेवार पत्रकारितामा जोड

Oct 28th 7:27 AM
समाचार

हावाहुरी र वर्षाको पूर्वानुमानसँगै १२ देखि १४ गतेसम्म स्वास्थ्य क्षेत्र उच्च सतर्कतामा

Oct 26th 10:50 AM
बिशेषज्ञ लेख

मधुमेहको समस्या छ भने सानो थालमा खानुस्

Oct 8th 8:01 AM
समाचार

विश्व दृष्टि दिवस : दृष्टि समस्या भएका ३० प्रतिशत दक्षिण–पूर्वी एसियामा

Oct 7th 12:04 PM
समाचार

कांग्रेस महाधिवेशनमा चिकित्सक संघका तीन पूर्वअध्यक्षको उम्मेदवारी

ताजा समाचार
समान्य नहुनसक्छ रुघाखोकी
बिशेषज्ञ लेख

समान्य नहुनसक्छ रुघाखोकी

134843
पाठेघर खस्ने समस्या
परिवार स्वास्थ्य

पाठेघर खस्ने समस्या

38
हरेक दिन ५ ग्राम नुन
परिवार स्वास्थ्य

हरेक दिन ५ ग्राम नुन

29
विरामी र डाक्टर : अविश्वासको खाडल
स्वास्थ्य विशेष

विरामी र डाक्टर : अविश्वासको खाडल

27
प्रकाशक
हेल्थ टुडे मिडिया प्रा.लि.
सुचना बिभाग दर्ता नम्बर : ३८५/०७३-७४

सम्पादक
पदमराज जोशी

समाचारदाता
के.पी रिमाल

सन्ध्या केसि

सम्पर्क
हेल्थ टुडे मिडिया प्रा.लि
अनामनगर, काठमाडौ
01-4212972, 9841449315

© Health Today Nepal 2021. All rights reserved.
Designed & Developed By : Nepsol Web