स्वास्थ्य मन्त्रालयको सचिवमा रामप्रसाद थपलिया

हेल्थ टुडे,
काठमाडौ,५ बैशाखः स्वास्थ्य तथा जनसंख्या मन्त्रालयको सचिवको जिम्मेवारी रामप्रसाद थपलियाले पाएका छन् । सरकारले कर्णाली प्रदेशका प्रमुख सचिव रहेका रामप्रसाद थपलियालाई स्वास्थ्य तथा जनसंख्या मन्त्रालयमा सरुवा गरेको हो ।

गत सोमबार बसेको मन्त्रिपरिषदको बैठकले सचिव थपलियालाई स्वास्थ्यमा सरुवा गर्ने निर्णय गरको हो । मन्त्रिपरिषद्को उक्त बैठकले स्वास्थ्य मन्त्रालयका सचिव चन्द्रकुमार घिमिरेलाई महिला बालबालिका तथा जेष्ठ नागरिक मन्त्रालयमा सरुवा गरेको छ । उनकै ठाँउमा थपलियालाई ल्याइएको हो ।

पछिल्लो पटक स्वास्थ्य तथा जनसंख्या मन्त्रालयमा दुई जना सचिव राखिएको छ । दुई जना सचिव राख्न सुरु गरेयता सचिव केदारबहादुर अधिकारी करीब दुई महिना र त्यसपछि आएका घिमिरे तीन महिना नपुग्दै स्वास्थ्य मन्त्रालयबाट सरुवा भएका छन् ।

स्वास्थ्य सचिवको रुपमा अहिले डा. पुष्पा चौधरी पनि कार्यरत छिन् तर, उनलाई पनि मन्त्रिपरिषद् बैठकले सरुवा गरेको स्रोतले जनाएपनि निर्णय गोप्य राखिएको छ