हेल्थ टुडे,
काठमाडौ,३० जेठः आयुर्वेद चिकित्सकहरुको संस्था नेपाल आयुर्वेद चिकित्सक संघले आयुर्वेदका १२ जना विशेषज्ञ डाक्टरलाई संघ अन्तर्गत पुल दरबन्दीमा माग गरेको छ । स्वास्थ्य तथा जनसंख्या मन्त्रालयले संघीय मामिला मन्त्रालयमा पठाएको १ सय २३ जना डाक्टरको पुल दरबन्दीको सूचीमा आयुर्वेदका १२ डाक्टरहरुको नाम समेत समावेश गर्न माग गरेको हो ।
आयुर्वेद चिकित्सक संघका प्रतिनिधीले १२ जना आयुर्वेद डाक्टरलाई पुल दरबन्दीमा राख्न ध्यानाकर्षण गर्दै राज्यमन्त्री डा सुरेन्द्र यादवलाई ध्यानाकर्षण पत्र बुझाएका हुन्। संघले आयुर्वेदलाई वेवास्ता गर्दै एकलौटी ढंगले सूची पठाइएकोमा विरोध समेत जनाएको छ। संघले ९औं तहका २ र ८औं तहका १० जनालाई पुल दरबन्दीमा राख्न माग गरेको छ ।
संघले पुल दरबन्दीमा राख्न भनेका डाक्टरहरुमा ९औं तहका डाक्टर डा बुद्दी प्रसाद पौडेल, डा सुरेश महर्जन रहेका छन् । यस्तै, आठौं तहका डाक्टरहरुमा डा कोपिला अधिकारी, डा वसबदम्बा कौडिन्ययानी, डा नदन कडेल, डा पुष्पराज पौडेल, डा रमेश पौडेल र डा शारदा खनाल रहेका छन् । यस्तै, डा सुरेन्द्र राय, डा शृष्टि श्रेष्ठ, डा ओम प्रकाश कलौनी र डा बैकुण्ठ सुबेदीलाई पनि संघ अन्र्तगत पुल दरबन्दीमा राख्न संघले माग गरेको छ ।
Leave a Reply