स्वास्थ्य अनुसन्धानमा नयाँ आचारसंहिता ल्याउने तयारी

हेल्थ टुडे,
काठमाडौ,१३ कात्तिकः नेपाल स्वास्थ्य अनुसन्धान परिषद्ले स्वास्थ्य अनुसन्धानलाई विश्वस्तरको मापदण्डमा पु¥याउन नयाँ आचारसंहिता ल्याउने तयारी गरेको छ । नेपालमा स्वास्थ्यसंग सम्बन्धित खोज, अुनसन्धानलाई विश्वस्तरमा पु¥याउन र मान्यता दिन आचारसंहिता ल्याउन लागेको परिषद्का कार्यकारी अध्यक्ष प्रा. डा. अञ्जनीकुमार झाले जानकारी दिएका छन् ।

प्रा.डा. झाले भनेः‘स्वास्थ्य तथा जनसङ्ख्या मन्त्रालयले सन् १९५५, सन् २००१ र सन् २०११ मा अनुसन्धानको आचारसंहिता जारी गरेको थियो, विद्यमान आचारसंहितालाई परिमार्जन गर्दै नयाँ आचारसंहिता ल्याउन लागेका हौँ ।’

विश्व स्वास्थ्य सङ्गठनको मापदण्डभित्र रहेर आचारसंहिता आउने परिषद्ले जनाएको छ । आचारसंहितामा अनुसन्धानको प्रस्ताव लेखनदेखि अनुसन्धानका प्रत्येक चरण तथा अनुसन्धानका नतिजासम्मलाई ध्यान दिइएको जनाइएको छ ।

हाल परिषद्ले तयार पारेको आचारसंहिताको मस्यौदालाई स्वास्थ्य मन्त्रालय, विश्व स्वास्थ्य सङ्गठन तथा स्वास्थ्य अनुसन्धानको साझा संस्था फोरम अफ इथिकल रिभ्यु कमिटिज इन एसिएन एण्ड वेस्टर्न प्यासिफिक रिजन (फरक्याप) का प्रतिनिधिहरूले अध्ययन गरिरहेको परिषद्ले जनाएको छ ।

पछिल्लो समय परिषद्ले तराई–मधेशका विशेष गरी थारु समुदायमा देखिएको सिकलसेलको बारेमा अनुन्धान गर्दै आएको छ । साथै नसर्ने रोग मिर्गौला, मुटु रक्तचाप, मधुमेह, क्यान्सरको स्थितिका बारेमा केही जिल्लामा घरघुरी सर्वेक्षण कार्य जारी राखेको छ ।