अंगदानका बिषयमा जनचेतना जगाउन कारबाटै १५ देश

हेल्थ टुडे,

काठमाडौं : अंगदानका बिषयमा जनचेतना जगाउने उद्देश्यले भारतको चेन्नईका समाजसेवी भालशेखर चिलानाको नेतृत्वमा चार सदस्यिय टोली कारबाटै १५ देशको यात्रामा निस्केको छ । भ्रमण टोलीमा चिलानाकी पत्नी नमिता चिलाना, मुनेश महेश्वर र उनकी पतनी पविता छन् । उनीहरुले भारतहुदै नेपाल, चिन, किर्गिस्तान, तुर्किमिनिस्तान, इरान, टर्की, ग्रिस, पोल्याण्ड, स्विटजरल्याण्ड, अष्ट्रिया, फ्रान्स, स्कटल्याण्ड, आयरल्याण्ड हुदै बेलायतसम्मको यात्रा कारबाट गर्ने छन् । १५ देशको यात्रा तय गर्न उनीहरुलाई करिव ६ महिना लाग्ने छ ।

नेपाल आईपुगेको उक्त टोलीलाई शुक्रबार वरिष्ठ मिर्गौला रोग विशेषज्ञ डा. ऋषिकुमार काफ्लेले राष्ट्रिय मिर्गौला उपचार केन्द्र बनस्थलीमा स्वागत गरेका छन् । अंगदानका बिषयमा प्रयाप्त चेतना नभएकाले ब्रेन डेथ भएका व्यक्तीका परिवारले अंग दान गर्न नमान्ने प्रवृति हटाउन आफूले अभियान सुरु गरेको चिनालीले बताए । उनले भने, ‘एक जना व्यक्तीले दान गरेको आठ वटा अंग अर्को व्यक्तीमा प्रत्यारोपण गरेर जिवन दान दिन सकिने भएकाले पुण्य कार्यमा लाग्न सबैमा आग्रह गर्दछु । ’ सन् २०१२ मा मिर्गौला फेल भएपछि पत्नी गुमाएमा चिलानी त्यही बेलादेखि मोहन फाउन्डेस मार्फत समाजसेवामा लागेको थिए । ३८ वर्ष बिमा कम्पनीमा काम गरेका चिलानीले कम्तिमा १० हजार मानिसलाई अंगदानका बिषयमा सहमत गराउने उद्देश्यका साथ अभियानमा लागेको बताए ।

?

स्वागत कार्यक्रममा डा. काफ्लेले अभियान सफलताको शुभकामना व्यक्त गर्दै केन्द्रले अंग प्रत्यारोपण गराउनु पर्ने अवस्था नै आउन नदिन मिर्गौला बचाउ अभियान संचालन गरेको जानकारी गराउदै   अंग दानका बिषयमा जनचेतना बिस्तार गर्ने काममा सबै लाग्नु पर्ने अवस्था भएको बताए ।