केमसानको १३ औं स्थापना दिवस

‘केमसानको अभियान, गुणस्तरीय स्वास्थ्य सामग्रीको पहिचान’ भन्ने नाराका साथ केमिकल एण्ड मेडिकल सप्लायर्स एसोसिएसन अफ नेपाल (केमसान) ले शुक्रबार आफ्नो १३ औं स्थापना दिवस मनाएको छ । स्थापना दिवसमा केमसानले राजधानीका प्रभातफेरी कार्यक्रमको आयोजना गरेको छ ।

त्रिपुरेश्वरबाट सुरु भएको प्रभातफेरी सुन्धारा, एनएसी, भद्रकारी, रत्नपार्क, सामसाहपथ हुदै पुन त्रिपुरेश्वरमा पुगेर समापन भएको थियो । कार्यक्रममा केमसानका अध्यक्ष सुरेश घिमिरेले गुणस्तरीय स्वास्थ्य सेवा पाउने हरेक नागरिकको अधिकारलाई व्यवहारमा उतार्न गुणस्तरीय स्वास्थ्य सामग्रीको आयात हुनु पहिलो सर्त रहेकोले केमसान यो दिशामा लागिपरेको बताए । सरकारले पोके पन्तुरे र गुणस्तरहिन स्वास्थ्य सामग्री आयातगर्नेहरुलाई सरकारले कारवाही गर्नु पर्ने उनको भनाई छ । केमसानका महासचिव सिताराम कार्कीले गुणस्तरीय उपचार देशभित्रै उपलब्ध गराउन आफूहरु गुणस्तरीय स्वास्थ्य सामग्री उपलब्ध गराउन कटिबद्व रहेको बताए ।

कार्यक्रममा केमसानका कार्यसमितिको सदस्यहरु, अन्य सदस्यहरु, केमसानका पूर्व अध्यक्ष धिरज थपलिया, भक्त हमाल लगायत सहभागी थिए ।