हेल्थ टुडे
काठमाडौ, ११ पुष : वरिष्ठ न्यूरो सर्जन डा.उपेन्द्र देवकोटाको उपचार उनकी छोरी अध्ययनरत लण्डनको किङ्स कलेज हस्पिटलमा उपचार भइरहेको छ । उनकी कान्छी छोरी मेधा देवकोटा सोही मेडिकल कलेजमा अध्ययनरत छिन् । डा. देवकोटालाई जन्डिस देखिएपछि थप उपचारकालागि उनी श्रीमती डा. मधु देवकोटा सहित लण्डन गएका थिए । देवकोटा दम्पतीका दुई वटा छोरी अमेरिकामा बस्थे भने एक छोरी लण्डनमा अध्ययनरत थिइन् । छोरीको सामिप्यतामा उनी पढिरहेकै मेडिकल कलेजमा उपचार गर्न देवकोटा दम्पती लण्डन गएको पारिवारिक स्रोतले जनाएको छ ।
डा. देवकोटाले लामो समय अध्ययन र केही वर्ष काम पनि लण्डनमा गरेकाले उनका थुप्रै चिकित्सक साथीभाई उतै भएकाले पनि उनी उपचारका लागि लण्डन गएको पारिवारिक स्रोतको दाबी छ । स्वास्थ्य जाचका क्रममा उनको पित्त थैलीमा समेत केही समस्या देखिएकाले उनलाई अस्पताल भर्ना गरिएको थियो । तर नेपालमा प्रचार गरिएको जस्तो उनलाई कुनै प्रकारको क्यान्सर नदेखिएको ती परिवारका सदस्यको दावी छ । डा. देवकोटाको स्वास्थ्य अवस्थामा सुधार आइरहेको र केही दिनमै अस्पतालबाट डिस्चार्ज गरिने ती सदस्यले भाइबर मार्फत जानकारी दिए । डा. देवकोटाको स्वास्थ्य अवस्थाप्रति चिन्ता र चासो व्यक्त गर्ने सबै शुचचिन्तकहरु प्रति धन्यवाद व्यक्त गर्दै अनावश्यक हल्लाको पछि लागेर हुदै नभएको रोग लागेको छ भनेर समाचार सम्प्रेषण नगर्न सबैलाई उनले आग्रह गरेका छन् ।
Leave a Reply