स्वास्थ्य मन्त्री पौडेलको वीर अस्पतालमा उपचार हुँदै

हेल्थ टुडे,
काठमाडौं, १५ असार : विगत केही हप्तादेखि अस्वस्थ्य महसुस गरिरहेका स्वास्थ्य तथा जनसंख्या मन्त्री प्रदीप पौडेल वीर अस्पताल भर्ना भएका छन् । उच्च ज्वरो र थकानका कारण अस्वस्थ्य भएपछि पौडेललाई शनिबार वीर अस्पतालमा भर्ना गरेर उपचार सुरु गरिएको छ । मन्त्री पौडेल केही दिन पहिले देखि नै पुर्ण रुपमा स्वस्थ्य थिएनन् । दुई हप्ता अगागि केही दिन उनी घरमै आराम गरेर मन्त्रालय पनि आएका थिएनन् । त्यसैबिच उनी थाइल्याण्डमा आयोजना भएको कार्यक्रममा सहभागी भएर दुई दिन अगाडि मात्र स्वदेश फर्किएका थिए । वीर अस्पतालका निर्देशक डा. दिलीप शर्माका अनुसार पौडेलको स्वास्थ्य अवस्थामा क्रमिक सुधार भइरहेको छ । डा. शर्माकै नेतृत्वमा उपचार भइरहेको छ । पौडेलको उपचार भिभिआईपी कक्षमा भइरहेको अस्पताल श्रोतले जनाएको छ । मन्त्री पौडेलका केही परिक्षणको नतिजा आइनसकेकोले केही दिन अस्पतालमै राखेर उपचार गर्नु पर्ने हुन सक्ने उपचारमा संलग्न चिकित्सकले जानकारी दिएका छन् ।